ముంబై లో AA 23 లుక్ టెస్ట్
Icon Star concentrating on AA23
అల్లు అర్జున్ ప్రస్తుతం రాకా షూటింగ్ నిమిత్తం ముంబై లోనే ఉన్నారు. నిన్న సోమవారం నాంపల్లి కోర్టుకు కూడా ఆయన హాజరవలేదు. సంధ్య థియేటర్ కేసులో A 11 గా ఉన్న అల్లు అర్జున్ ని నిన్న కోర్టులో వ్యక్తిగతంగా హాజరవ్వాలని నాంపల్లి కోర్టు నోటీసులు ఇవ్వగా అల్లు అర్జున్ వర్చువల్ గా, ఆయన తరపు న్యాయవాది కోర్టుకు హాజరయ్యారు.
ఇక అట్లీ దర్శకత్వంలో రూపు దిద్దుకుంటున్న రాకా చిత్రం షూటింగ్ ఇంకా ఓ కొలిక్కి రాకుండానే అల్లు అర్జున్ తన తదుపరి చిత్రం కోసం రెడీ అవుతున్నారనే వార్త వైరల్ అవుతుంది. అల్లు అర్జున్ తన తదుపరి ప్రాజెక్ట్ AA 23 ని లోకేష్ కనగరాజ్ దర్శకత్వంలో చెయ్యబోతున్నారు. రీసెంట్ గా ఈ ప్రాజెక్ట్ ఆగిపోయింది అనే వార్తలొచ్చినా అవి రూమర్స్ అని తేలిపోయింది.
జూన్ 25 న ముంబై లో దర్శకుడు లోకేష్ కనగరాజ్ అల్లు అర్జున్ పై లుక్ టెస్ట్ నిర్వహించనున్నట్లుగా తెలుస్తుంది. అల్లు అర్జున్ లుక్ టెస్ట్ తర్వాత లుక్ ఫైనల్ చేసి ప్రీ ప్రొడక్షన్ వర్క్ కంప్లీట్ చేసుకుని ఈ ఏడాది డిసెంబర్ నుంచి షూటింగ్ మొదలు పెట్టేలా లోకేష్ కనగరాజ్ ప్లాన్ చేస్తున్నారట. ఈలోపే అల్లు అర్జున్-అట్లీ రాకా షూటింగ్ ఓ కొలిక్కి వస్తుంది అని తెలుస్తుంది.
