చరణ్ -సుకుమార్ సెట్స్ కి వెళ్లేదెప్పుడంటే?
Sukumar-Ram Charan project faces delay
టాలీవుడ్లో ఇండస్ట్రీ హిట్లలో ఒకటిగా నిలిచిన `రంగస్థలం` చిత్రం తర్వాత గ్లోబల్ స్టార్ రామ్ చరణ్, స్టార్ డైరెక్టర్ సుకుమార్ కాంబినేషన్లో మరో సంచలన చిత్రం రూపుదిద్దుకోనుంది. ఈ మోస్ట్ అవేటెడ్ కాంబినేషన్కు సంబంధించిన సరికొత్త అప్డేట్ ఫిలిం నగర్ సర్కిల్స్లో సందడి చేస్తోంది. ప్రస్తుతం ఈ ప్రాజెక్ట్కు సంబంధించిన ప్రీ-ప్రొడక్షన్ పనులు శరవేగంగా ఊపందుకున్నాయి.
కథకు సంబంధించిన తుది మెరుగులు దిద్దే క్రమంలో సుకుమార్, రామ్ చరణ్ ఇప్పటికే రెండు మూడు సార్లు సమావేశమై సుదీర్ఘంగా చర్చలు జరిపినట్లు తెలుస్తోంది. మైత్రీ మూవీ మేకర్స్ బ్యానర్పై నవీన్ యెర్నేని, వై. రవిశంకర్ అత్యంత భారీ బడ్జెట్తో నిర్మించనున్న ఈ సినిమా రెగ్యులర్ షూటింగ్ ఈ ఏడాది దసరా పండుగ తర్వాత ప్రారంభం కానుందని సమాచారం.
సుకుమార్ తన మునుపటి చిత్రాల తరహాలోనే స్క్రిప్ట్ విషయంలో పక్కా ప్లానింగ్తో ముందుకు సాగుతుండగా, రామ్ చరణ్ సరికొత్త మేకోవర్తో ఈ సెట్స్లోకి అడుగుపెట్టేందుకు సన్నద్ధమవుతున్నారు. రంగస్థలం మ్యాజిక్ను మించిపోయేలా, పాన్-ఇండియా స్థాయిలో సరికొత్త రికార్డులను సృష్టించే లక్ష్యంతో ఈ చిత్రాన్ని తెరకెక్కించేందుకు చిత్ర యూనిట్ సర్వసన్నద్ధమవుతోంది.
