చావు అంచున చూసిన భయమే ప్రాణం పోసిందన్న నటి
Sunaina Roshan gets candid about weight loss journey
బాలీవుడ్ స్టార్ హీరో హృతిక్ రోషన్ సోదరి సునైనా రోషన్ అద్భుతమైన శారీరక మార్పుతో సోషల్ మీడియాలో సెన్సేషన్ సృష్టించారు. గతంలో తీవ్రమైన అనారోగ్య సమస్యలతో ఆసుపత్రిలో చేరాల్సి రావడం ఆమె జీవితంలో ఓ పెద్ద మలుపుగా మారింది. ప్రాణాపాయ స్థితిని దగ్గరగా చూసిన ఆ భయం తనను తాను మార్చుకోవడానికి బలమైన ప్రేరణగా నిలిచిందని పేర్కొన్నారు. `ఆ భయమే నా లక్ష్యానికి ఇంధనంగా మారింది` అంటూ తన వెయిట్ లాస్ జర్నీ వెనుక ఉన్న అసలు రహస్యాన్ని వెల్లడించారు.
సునైనా పంచుకున్న తాజా ఫోటోలలో ఆమె ఎంతో స్లిమ్గా, ఆరోగ్యంగా కనిపిస్తూ ఆశ్చర్యపరుస్తున్నారు. గతంలో ఊబకాయం , ఇతర ఆరోగ్య సమస్యలతో పోరాడిన ఆమె ఇప్పుడు క్రమశిక్షణతో కూడిన డైట్ కఠినమైన వ్యాయామాలతో రూపురేఖలను పూర్తిగా మార్చుకున్నారు. హృతిక్ రోషన్ స్వయంగా తన సోదరి పట్టుదలను మెచ్చుకుంటూ సోషల్ మీడియాలో పోస్ట్ చేయడంతో ఈ వార్త వైరల్ అయ్యింది. బరువు తగ్గడమే కాకుండా, మానసికంగా కూడా ఎంతో దృఢంగా తయారయ్యానని సగర్వంగా ప్రకటించారు.
ఈ ట్రాన్స్ఫర్మేషన్ గ్లామర్ కోసం కాకుండా? ప్రాణాలను కాపాడుకోవడానికి చేసిన పోరాటమని ఆమె మాటలను బట్టి అర్థమవుతోంది. ఆసుపత్రిలో గడిపిన ఆ క్లిష్ట సమయాలు ఆరోగ్య విలువను గుర్తుచేశాయని అందుకే వెనకడుగు వేయకుండా శ్రమించానని సునైనా తెలిపారు. ఆమె పట్టుదల చూసిన నెటిజన్లు, ఆరోగ్య సమస్యలతో బాధపడుతున్న ఎంతోమందికి ఆమె గొప్ప స్ఫూర్తి అని ప్రశంసలు కురిపిస్తున్నారు. 2026లో అత్యంత ఆకట్టుకున్న సెలబ్రిటీ మేకోవర్లలో సునైనా రోషన్ ప్రయాణం మొదటి వరుసలో ఉంటుంది.
