ఒకే ఏడాది నాలుగు సినిమాలతో కృతి శెట్టి
Krithi Shetty with four fields in one yearఉప్పెన సినిమా దగ్గర నుండి ఎదురులేని పోరి కృతి శెట్టికి ద వారియర్ బ్రేకులు వేసింది. ఉప్పెన బ్లాక్ బస్టర్ హిట్ అవడం, ఆ ఏడాది శ్యామ్ సింగ రాయ్ తో హిట్ కొట్టిన కృతి శెట్టి ఈ ఏడాది ఆరంభంలోనే బంగార్రాజు తో బ్రహ్మాండమైన విజయాన్ని అందుకుంది. ఆ తర్వాత ఆరు నెలలకే రామ్ తో కలిసి వారియర్ తో ఆడియన్స్ ముందుకు వచ్చింది. వారియర్ మాత్రం పాపకి షాకిచ్చింది. విజిల్ మహాలక్ష్మిలా మోడరన్ అమ్మాయిలా కనిపించినా పని జరగలేదు.
వారియర్ తర్వాత నెలతిరక్కుండానే ఈ రోజు శుక్రవారం నితిన్ తో కలిసి నటించిన మాచర్ల నియోజకవర్గంతో మరోసారి ప్రేక్షకుల ముందుకు వచ్చేసింది. ఈ సినిమాలో కృతి శెట్టి ట్రెడిషనల్ గాను, అలాగే గ్లామర్ గాను కనువిందు చేయబోతుంది. ఈ సినిమాపై అమ్మడు ఆశలు బాగానే పెట్టుకుంది. మరి ఈ సినిమా సంగతి అలా ఉంటే.. మరో నెలలోనే కృతి శెట్టి ఈ ఏడాది నాలుగో సినిమాని కూడా థియేటర్స్ లో దింపేందుకు రెడీ అయ్యింది. అది సుధీర్ బాబు తో కలిసి నటించిన ఆ అమ్మాయి గురించి మీకు చెప్పాలి సెప్టెంబర్ 16 న రిలీజ్ కి రెడీ అవ్వడంతో.. కృతి శెట్టి ఈ ఏడాది నాలుగు సినిమాలతో అదృష్టాన్ని పరిక్షించుకుంటుంది. ఇప్పటికే ఒక హిట్, ఒక ఫట్ ఉండగా.. ఇప్పుడు రెండు సినిమాలతో లక్కు కోసం ఎదురు చూస్తుంది.
Lucky Heroine Krithi Shetty Heroine
