ప్రభాస్ కి షరతులు పెట్టిన టాప్ డైరెక్టర్
ప్రస్తుతం ప్రభాస్ ఒకేసారి రెండు సినిమాల షూటింగ్లో పాల్గొంటూ బిజీగా ఉన్నాడు. రాజాసాబ్, ఫౌజీ చిత్రాల పనుల్లో నిమగ్నమై ఉన్న అతడు కల్కి 2 కూడా ఎప్పుడైనా ప్రారంభం కావొచ్చని భావిస్తున్నారు. వీటితో పాటు స్పిరిట్ సినిమా కూడా లైన్లో ఉంది. ఒకేసారి ఇన్ని ప్రాజెక్టులకు డేట్స్ కేటాయిస్తూ ముందుకు సాగుతున్న పాన్ ఇండియా స్టార్ ప్రభాస్. ఇలా బిజీగా ఉండడం అతనికి కొత్తేం కాదు.
అయితే స్పిరిట్ సినిమా విషయంలో దర్శకుడు సందీప్ రెడ్డి వంగా ఓ షరతు పెట్టినట్లు తెలుస్తోంది. ఈ సినిమాను మొదలు పెట్టిన తర్వాత పూర్తిగా దానికే అంకితమై ఉండాలని ప్రభాస్కు చెప్పాడట. అంతేకాదు ఈ ప్రాజెక్ట్ జరుగుతున్న సమయంలో మరో సినిమా చేయకూడదని కూడా షరతు విధించాడని టాలీవుడ్ వర్గాల్లో ప్రచారం సాగుతోంది. స్పిరిట్ సినిమాలో ప్రభాస్ ఒక పవర్ఫుల్ పోలీస్ ఆఫీసర్గా కనిపించనున్నాడు. అందుకోసం అతను తన బాడీ లాంగ్వేజ్ లుక్ విషయంలో ప్రత్యేక శ్రద్ధ తీసుకోవాలి. తన లుక్ లీక్ కాకూడదనే ఉద్దేశంతో ప్రభాస్ ఈ షరతును అంగీకరించాడని తెలుస్తోంది.
ప్రస్తుతం సందీప్ రెడ్డి వంగా స్పిరిట్ స్క్రిప్ట్ పనులతో బిజీగా ఉన్నాడు. ప్రభాస్ కూడా ఈలోగా తన మిగతా ప్రాజెక్టులను పూర్తి చేసుకోవాలని ఆయన సూచించాడట. సందీప్ రెడ్డి వంగా ఓ డెడికేటెడ్ డైరెక్టర్. తన ప్రాజెక్ట్లో ఎవరికైనా పూర్తి సమయాన్ని కేటాయించాల్సిందేనని కఠినంగా ఉండే వ్యక్తి. అతని సినిమాలు పాత్రలు ఎంత పవర్ఫుల్గా ఉంటాయో అందరికీ తెలిసిందే.
ఇటీవల అర్జున్ రెడ్డి నుంచి ఆనిమల్ వరకు సందీప్ రెడ్డి వంగా రూపొందించిన చిత్రాలు బ్లాక్బస్టర్ విజయాలు సాధించాయి. ఇప్పుడు స్పిరిట్ సినిమాపై కూడా భారీ అంచనాలు ఉన్నాయి. ప్రభాస్ నటిస్తున్న ప్రాజెక్టులన్నింటిలో కూడా ఈ చిత్రానికి ఉన్న క్రేజ్ వేరు. అందుకే ఈ సినిమా కోసం దర్శకుడు పెట్టిన కండిషన్లను ప్రభాస్ కూడా అంగీకరించినట్లు సమాచారం.
Sandeep Vanga Strict Conditions for Prabhas Spirit
Top director sets conditions for Prabhas
