యంగ్టైగర్ ఎన్టీఆర్ హవా..!
వరస ఫ్లాప్లు ఇచ్చినా ఎన్టీఆర్ రేంజ్ ఏమాత్రం తగ్గడం లేదు. ప్రతి సినిమాకీ విపరీతమైన హైపు క్రియేట్ అవుతూనే ఉంది. ఎన్టీఆర్కు ఓ హిట్ పడాలే గానీ బాక్సాఫీస్ వద్ద రికార్డులు షేకైపోతాయన్నది బయ్యర్ల నమ్మకం. అదే నమ్మకమే 'నాన్నకు ప్రేమతో' సినిమాకి బాగా హెల్ప్ అవుతోంది. సుకుమార్ దర్శకత్వం వహిస్తున్న ఈ చిత్రం సంక్రాంతి కానుకగా జనవరి 8వ తేదీన విడుదలకు సిద్దమౌతున్న సంగతి తెలిసిందే. కాగా ఈచిత్రం ఆడియోను ఈ నెల 23న గ్రాండ్గా జరపాలని ప్లాన్ చేస్తున్నట్లు సమాచారం. ఈ సినిమాకి బిజినెస్ ఇప్పటినుంచే మొదలైపోయింది. నైజాంలో దాదాపు 8కోట్లకు ఈ సినిమాను అమ్మారని తెలుస్తోంది. ఓవర్సీస్లో కూడా ఇంచుమించుగా ఈ రేటే గిట్టిందట. దాదాపుగా ఇప్పటివరకు 40 కోట్ల వరకు బిజినెస్ జరిగిందని, మరో 10కోట్లు వరకు ఈజీగా దాటుతుందని, ప్రీరిలీజ్కి 'నాన్నకు ప్రేమతో' చిత్రం 50కోట్ల బిజినెస్ను పూర్తి చేస్తుందని ట్రేడ్ వర్గాల అంచనా.
