కామెంట్ బాక్స్‌లో సిడ్నీ హీరో!
Cricket has opened doors to new roles for me: Hanuma Vihariభారతీయ క్రికెటర్ హనుమ విహారి ఆటగాడిగానే కాకుండా క్రికెట్ ద్వారా తనకు లభించిన కొత్త అవకాశాలను ఎలా అందిపుచ్చుకుంటున్నారో తాజాగా వెల్లడించారు. జాతీయ జట్టుకు దూరంగా ఉన్నా? క్రికెట్‌తో తన అనుబంధాన్ని వివిధ మార్గాలలో కొనసాగిస్తూ విశ్లేషకుడిగా.. కామెంటెటర్‌గా సరికొత్త ప్రయాణాన్ని ప్రారంభించినట్లు తెలిపారు. మైదానంలో పట్టుదలగా ఆడే విహారి ఇప్పుడు వ్యాఖ్యాత పాత్రలోనూ ప్రతిభను చాటుకుంటున్నారు.
తెలుగు కామెంటరీ చెప్పడంతో పాటు సోషల్ మీడియా వేదికగా క్రికెట్ విశ్లేషణలు, కంటెంట్ క్రియేషన్‌లోనూ విహారి చురుగ్గా పాల్గొంటున్నారు. ఆటను లోతుగా విశ్లేషించడం, డేటాను పరిశీలించడం తనకు ఎంతో ఆసక్తికరంగా ఉంటుందని పేర్కొన్నారు. ఆటగాడిగా మైదానంలో వంద శాతం కష్టపడినట్లే బ్రాడ్‌కాస్టర్ .. కంటెంట్ క్రియేటర్‌గా కూడా చేసే ప్రతి పనికి వంద శాతం అంకితభావం ఇస్తానని విహారి స్పష్టం చేశారు.
క్రికెట్టే కాకుండా ఫుట్‌బాల్ ఆటపై కూడా తనకు మమకారం ఉందని.. ఆటలోని వ్యూహాలను అర్థం చేసుకోవడం ఎంతో ఇష్టమని వెల్లడించారు. దేశీయ క్రికెట్‌లో భాగంగా త్రిపుర జట్టుకు మారుతూ కొత్త సవాళ్లను స్వీకరిస్తున్న విహారి జాతీయ జట్టులోకి పునరాగమనం గురించి ఎక్కువగా ఆలోచించకుండా ప్రస్తుత క్షణాలపై.. తన నియంత్రణలో ఉన్న విషయాలపైనే దృష్టి పెడుతున్నట్లు తెలిపారు.
