జైలర్ 2 మూవీ రివ్యూ

జైలర్ 2 మూవీ రివ్యూ

నటీనటులు: రజనీకాంత్, మిథున్ చక్రవర్తి, ఎస్‌.జె. సూర్య, విద్యా బాలన్, సూరజ్ వెంజారమూడు, శివరాజ్‌కుమార్, మోహన్‌లాల్, రమ్యకృష్ణ తదితరులు
దర్శకత్వం: నెల్సన్ దిలీప్‌కుమార్  
సంగీతం: అనిరుధ్ రవిచందర్
నిర్మాణ సంస్థ: సన్ పిక్చర్స్

సూపర్‌స్టార్ రజనీకాంత్- నెల్సన్ దిలీప్‌కుమార్ కాంబినేషన్‌లో వచ్చి బాక్సాఫీస్ వద్ద సంచలన విజయం సాధించిన `జైలర్` చిత్రానికి సీక్వెల్‌గా వచ్చిన `జైలర్ 2` ప్రపంచవ్యాప్తంగా థియేటర్లలోకి అడుగుపెట్టింది. భారీ అంచనాల మధ్య విడుదలైన  చిత్రం ప్రేక్షకులను ఏ మేరకు మెప్పించిందో రివ్యూలో చూద్దాం!  

జైలర్ 2 కథ:  ఫస్ట్ పార్ట్ ఎక్కడ ముగిసిందో? అక్కడి నుంచే `జైలర్ 2` ప్రయాణం ప్రారంభమవుతుంది. కొడుకుని కోల్పోయిన తర్వాత రిటైర్డ్ జైలర్ ముత్తువేల్ పాండియన్ (రజనీకాంత్) తన కుటుంబంతో ప్రశాంతంగా జీవించాలనుకుంటాడు. కానీ అంతర్జాతీయ స్థాయిలో వ్యాపించి ఉన్న పవర్‌ఫుల్ నెట్‌వర్క్ వల్ల అతని కుటుంబానికి, పాత శత్రువుల వల్ల సరికొత్త ముప్పు ఏర్పడుతుంది. ఈ క్రమంలో తెరపైకి ఒక మైండ్ గేమ్‌తో ఆధిపత్యం చెలాయించే మాఫియా గాడ్‌ఫాదర్ (మిథున్ చక్రవర్తి) ఎంటర్ అవుతాడు. హింసకు తావులేకుండా అత్యంత ప్రతిభావంతంగా ప్రత్యర్థులను దెబ్బతీసే ఆ వ్యక్తిని ముత్తువేల్ పాండియన్ ఎలా ఎదుర్కొన్నాడు? ఎస్‌.జె. సూర్య, విద్యా బాలన్ ల పాత్రలు కథను ఎలా మలుపు తిప్పాయి? చివరకు ఈ పవర్ గేమ్‌లో ముత్తువేల్ ఎలా విజయం సాధించాడనేదే `జైలర్ 2` కథ.

జైలర్ 2 విశ్లేషణ & నటీనటుల ప్రతిభ:  

నటీనటుల విషయానికి వస్తే  రజనీకాంత్ ముత్తువేల్ పాండియన్‌గా మరోసారి సంపూర్ణమైన పెర్ఫార్మెన్స్‌తో ప్రేక్షకులను కట్టిపడేసారు. మొదటి భాగంలో ప్రశాంతంగా కనిపిస్తూనే శత్రువుల వేటలో నరసింహుడిలా మారే వయొలెంట్ షేడ్‌ను చూపించిన ఆయన  సీక్వెల్‌లో మరింత గంభీరమైన మైండ్ గేమ్స్‌తో అలరించారు. ఆయన స్వాగ్, కళ్లలోని రౌద్రం, డైలాగ్ డెలివరీ ప్రతి మాస్ సన్నివేశంలోనూ ప్రేక్షకులతో విజిల్స్ వేయిస్తాయి. రజనీకాంతే కాకుండా ఈ చిత్రానికి ప్రధాన ఆకర్షణగా నిలిచింది బాలీవుడ్ లెజెండరీ నటుడు మిథున్ చక్రవర్తి పాత్ర. భౌతికమైన దాడులకు తావులేకుండా కేవలం చూపులతో, రాయల్ ఆటిట్యూడ్‌తో ప్రత్యర్థులను భయపెట్టే ఆధిపత్య స్వభావం ఉన్న పాత్రలో ఆయన జీవించారు. రజనీకాంత్ , మిథున్ చక్రవర్తి ముఖాముఖి తలపడే మైండ్-గేమ్ సన్నివేశాలు సినిమాకే మైలురాయిగా నిలిచాయని చెప్పొచ్చు.

ఎస్‌.జె. సూర్య తనదైన విలక్షణమైన నెగెటివ్ విలనిజం.. బాడీ లాంగ్వేజ్‌తో సరికొత్త ఎనర్జీని తీసుకురాగా, విద్యా బాలన్ పాత్ర కథకు బలమైన ఎమోషనల్ అండర్‌కరెంట్‌ను అందించింది. రమ్యకృష్ణ ఎప్పటిలాగే ముత్తువేల్ భార్యగా కథా పరిధికి తగిన నటనతో ఆకట్టుకున్నారు. ఇక రజనీకాంత్‌కు తోడుగా సర్‌ప్రైజ్ ప్యాకేజీలా వచ్చే శివరాజ్‌కుమార్, మోహన్‌లాల్ ల క్యామియో ఎంట్రీలు మాస్ ఆడియన్స్‌కు ఐ-ఫీస్ట్ అని చెప్పాలి. నెల్సన్ డిజైన్ చేసిన  ప్రతి పాత్రకూ కథలో ప్రత్యేకమైన ప్రాధాన్యత ఉండటం, అనిరుధ్ ఇచ్చే ఊపునిచ్చే ఎలివేషన్ మ్యూజిక్ తోడవడంతో ప్రతీ క్యారెక్టర్ థియేటర్‌లో విజిల్స్ .. క్లాప్స్ రాబట్టడంలో  విజయం సాధించింది.

నెల్సన్ మార్క్ స్క్రీన్‌ప్లే & నెరేషన్: దర్శకుడు నెల్సన్ తనదైన డార్క్ హ్యూమర్, పవర్‌ఫుల్ ఎలివేషన్లు మరియు ఫాస్ట్-పేస్డ్ స్క్రీన్‌ప్లేతో ఫస్ట్ హాఫ్‌ను ఎంతో వినోదాత్మకంగా నడిపించారు. ముఖ్యంగా ఇంటర్వెల్ బ్లాక్ సినిమాకు ప్రాణంగా నిలిచింది.  

జైలర్ 2 సంగీతం & సాంకేతికత: అనిరుధ్ బ్యాక్‌గ్రౌండ్ స్కోర్  సినిమా స్థాయిని పెంచింది. యాక్షన్ సీన్లకి ఆయన ఇచ్చిన ఎలివేషన్ మ్యూజిక్ మరో లెవెల్. ప్రొడక్షన్ వాల్యూస్, విజ్యువల్స్  గ్రాండ్‌గా ఉన్నాయి.  

జైలర్ 2 ప్లస్ పాయింట్స్: సూపర్‌స్టార్ రజనీకాంత్ వన్-మ్యాన్ షో - అపారమైన స్వాగ్నెల్సన్ మార్క్ డార్క్ హ్యూమర్ & ఇంటర్వెల్ బ్యాంక్అనిరుధ్ మైండ్-బ్లోయింగ్ బ్యాక్‌గ్రౌండ్ స్కోర్కీలక ఘట్టాల్లో వచ్చిన క్యామియోలు (మోహన్‌లాల్, శివరాజ్‌కుమార్) మిథున్ చక్రవర్తి, ఎస్‌.జె. సూర్యల పవర్‌ఫుల్ నటన  

జైలర్ 2 మైనస్ పాయింట్స్: సెకండ్ హాఫ్‌లో అక్కడక్కడా కాస్త స్లో అయిన కథనం.  మొదటి భాగంతో పోలిస్తే కొన్ని చోట్ల ఎమోషనల్ డెప్త్ తగ్గడం  

చివరిగా: `జైలర్ 2` రజనీకాంత్ అభిమానులకు పక్కా మాస్ పండుగ లాంటి చిత్రం. నెల్సన్ మార్క్ నెరేషన్, అనిరుధ్ మ్యూజిక్, అద్భుతమైన స్టార్ క్యాస్టింగ్ కలగలసి  సీక్వెల్‌ను బాక్సాఫీస్ వద్ద  నిలబెట్టేలా ఉన్నాయి.

జైలర్ 2 రేటింగ్: 2.75/5