కరోనా దెబ్బకి పూరి జగన్నాథ్ ఫైటర్ లో మార్పులు..

కరోనా కారణంగా సినిమా ఇండస్ట్రీ తీవ్ర ఇబ్బందులని ఎదుర్కుంటోంది. ఇప్పటికే రెండు నెలలకి పైగా షూటింగ్ నిలిపివేయడంతో ఆర్థికంగా బాగా నష్టం వాటిల్లింది. ఇక థియేటర్లు మూతబడడంతో రావాల్సిన రెవెన్యూ ఆగిపోయింది. అయితే ఈ నేపథ్యంలో సినిమా ఇండస్ట్రీలో చాలా మార్పులు రానున్నాయి. ఆ మార్పులకి అనుగుణంగా సినిమా నిర్మాతలు కూడా ఛేంజ్ అవుతున్నారు. 

విజయ్ దేవరకొండ హీరోగా పూరి జగన్నాథ్ దర్శకత్వంలో ఫైటర్ అనే సినిమా తెరకెక్కుతున్న సంగతి తెలిసిందే. ఇస్మార్ట్ శంకర్ విజయంతో ఫామ్ లోకి వచ్చిన పూరి, ఈ సారి విజయ్ దేవరకొండతో ఫైట్ చేయించబోతున్నాడు. బాక్సింగ్ నేపథ్యంలో తెరకెక్కే ఈ సినిమా పూర్తిగా ముంబయిలో షూటింజ్ జరుపుకోవాల్సింది. కానీ కరోనా వైరస్ విజృంభిస్తుండడంతో హైదారాబద్ లోనే షూటింగ్ కంప్లీట్ చేయనున్నారట.

ఇకపోతే లాక్డౌన్ టైమ్ లో ఈ సినిమా కథలో చాలా మార్పులు జరిగాయట. కథా ప్రకారం విజయ్ దేవరకొండ ఈ సినిమాలో విదేశీ ఫైటర్లతో తలపడాల్సి ఉందట. కానీ ప్రస్తుత పరిస్థితుల్లో విదేశాల నుండి నటీనటులని తీసుకురావడం సాధ్యమయ్యే పనికాదని లోకల్ ఫైటర్స్ చేత ఆ సీన్స్ ని పూర్తి చేసే విధంగా కథలో మార్పులు చేసాడట. అనన్య పాండే హీరోయిన్ గా నటిస్తున్న ఈ సినిమాకి మణిశర్మ సంగీతం అందిస్తున్నారు.