నోట్లరద్దుపై సాంగ్.. అదిరింది

‘క్యాష్  క్యాష్’ చిత్రం లోని నోట్లరద్దు గీతాన్ని విడుదలచేసిన దర్శకుడు ‘బాబీ’    

తమిళంలో ‘థట్రోమ్ థూక్రోమ్’ పేరుతో రూపొందుతున్న చిత్రమ్ ‘క్యాష్ క్యాష్’ పేరుతో తెలుగులో విడుదల కాబోతుంది. మీడియా మార్షల్ బ్యానర్ పై నిర్మితమవుతున్న ఈ సినిమాకు అరుళ్ కుమార్ దర్శకత్వం వహించారు. ఈ చిత్రంలో  మొదటి సింగిల్ ‘డిమోనిటైజేషన్ సాంగ్’ను దర్శకుడు బాబీ విడుదల చేసారు.

ఈ సందర్భంగా దర్శకుడు అరుళ్ కుమార్ మాట్లాడుతూ.. ఈ పాట తమిళంలో ఒక ఉద్రేకంతో జనంలోకి వెళ్ళింది. అలాగే తెలుగు ప్రేక్షకులను ఈ పాట అలాగే ఆకట్టుకుంటుందని ఆశిస్తున్నాను. ఈ పాటను లాంచ్ చేసినందుకు స్టార్ డైరెక్టర్ బాబీగారికి నా ధన్యవాదాలు.. అని అన్నారు.

అనంతరం దర్శకుడు బాబీ మాట్లాడుతూ.. ఈ పాట వినగానే నోట్ల రద్దు సమయంలో ఎదుర్కొన్న కొన్ని వాస్తవిక పరిస్థితులను గుర్తుకు తెచ్చింది. అలాగే  ప్రజలు ఎదుర్కొన్న సమస్యల ఆధారంగా ఈ సినిమాను చిత్రీకరించిన పద్ధతి నన్ను చాలా బాగా ఆకర్షించింది. ఈ సినిమా కోసం  నేను ఎంతో ఆసక్తిగా ఎదురు చూస్తున్నాను.. అని తెలిపారు.

ఈ చిత్ర సంగీత దర్శకుడు డిజే వసంత్ మాట్లాడుతూ.. నేను సంగీత దర్శకుడిని అయినా.. తెలుగులో మొట్టమొదటి సారిగా ఈ సినిమా కోసం ఈ పాట రాశాను. ఈ చిత్రబృందం ఓ గీత రచయిత ఉంటే చెప్పండి అని నన్ను అడిగారు. నోట్ల రద్దు టైంలోని పరిస్థితుల గురించి పాట రాయాలి అన్నప్పుడు.. అప్పటి పరిస్థితులు ఎదుర్కున్న వాడిగా  నేనెందుకు ఈ పాట రాయకూడదు అనిపించింది. అలా ఈ పాటను రాసాను. బాగా వచ్చింది. మీరందరికీ కూడా నచ్చుతుంది అనుకుంటున్నాను.. అని చెప్పారు.

కాగా ఈ సాంగ్ ను తమిళ్ హీరో శింబు పాడారు. మ్యూజిక్ సెన్స్ ఉన్న శింబు ఈ పాట పాడటం వల్ల పాట చాలా బాగా వచ్చింది.  ముందుగా ఈ సినిమా నుండి ప్రతిష్టాత్మక గీతంతో ప్రమోషన్స్ ను మొదలు పెట్టడం ఆనందంగా ఉందని చిత్రబృందం చెప్పుకొచ్చింది. ఇక ఈ  క్రేజీ క్రైమ్ థ్రిల్లర్ మూవీ...  ‘జీవితంలో ఎదగాలి  పెద్దగా డబ్బు సంపాదించాలనుకునే  ముగ్గురు అబ్బాయిల చుట్టూ తిరిగే కథ’.  ఈ సినిమా ముఖ్యంగా భారత్ లోని ప్రజలు డిమానిటైజేషన్ కారణంగా ఎలాంటి ఇబ్బందులు పడ్డారు.  ఆ సమయంలో సమస్యలను ఎలా ఎదుర్కొన్నారు?  అనే నేపధ్యంలో ఈ చిత్రం సాగనుంది. త్వరలో ఈ చిత్రం విడుదల తేదీ మరియు చిత్రం యొక్క ఇతర వివరాలు తెలియనున్నాయి.

క్యాష్ క్యాష్  మూవీ తారాగణం & సాంకేతిక విభాగం :

నటీనటులు: టీజాయ్, శక్తివేల్ కాల్కానా, నందు సురేష్, చీను మోహన్, మారిమత్తు, కాళి వెంకట్

నిర్మాత-దర్శకుడు: అరుళ్.ఎస్

సంగీతం: బాలమురళి బాలు

కెమెరామెన్ : ఎన్ సతీష్ మురుగన్

ఎడిటర్ : సుధృష్ణన్

పాటలు & సంభాషణలు: కబీలన్ వైరమత్తు

బ్యానర్: మీడియా మార్షల్