మిస్టర్ సి ఎంతో మంచోడు: ఉపాసన!
Charan Flower Shopping, For Whom?రామ్చరణ్ ప్రస్తుతం 'రంగస్థలం' బ్లాక్బస్టర్ సంతోషంలో ఉన్నాడు. ఆ వెంటనే ఆయన బోయపాటి శ్రీను దర్శకత్వంలో దానయ్య నిర్మాతగా, పూజాహెగ్డే హీరోయిన్గా మరోచిత్రం ప్రారంభించాడు. రామ్చరణ్ లేకుండానే ఈ చిత్రం రెండు షెడ్యూల్స్ని బోయపాటి పూర్తి చేశాడు. కానీ 'రంగస్థలం' చిత్రం సాధించిన విజయం చూసిన రామ్చరణ్ బోయపాటి శ్రీను చిత్రానికి సంబంధించిన కథలో పలు మార్పులు చేర్పులు చేస్తున్నాడని సమాచారం. దాంతోనే ఆయన ఈ చిత్రం బ్రేక్ తీసుకుని ఉపాసనతో విదేశాలకు వెళ్లాడు.
ఇక తాజాగా రామచరణ్ ఓ ఫ్లారిస్ట్ వద్ద షాపింగ్ చేస్తోన్నరామ్చరణ్ ఫొటోని ఆయన శ్రీమతి ఉపాసన సోషల్మీడియాలో పోస్ట్ చేసింది. మిస్టర్ సి తన కోసం ఫ్లవర్ బొకేని కొన్నారని సంతోషంగా తెలిపింది. ఈ ఫోటోలో రామ్చరణ్ ఓ బొకేని పొదివి పట్టుకున్నట్లుగా ఎంతో సున్నితంగా పట్టుకుని కనిపిస్తున్నాడు. ఈ ఫొటో చూసిన మెగాభిమానులు తమ వదిన ఉపాసన అంటే తమ హీరో రామ్చరణ్కి ఎంత ఇష్టమో అని చెప్పుకుంటూ ఉన్నారు. ఇందులో రామ్చరణ్ ఎంతో అమాయకంగా, క్యూట్గా కనిపిస్తున్నాడు. ప్రకృతికి సాక్ష్యంగా నిలిచే పూలు ఆయన చేతిలో పదిలంగా ఉన్నాయి. ఈ పిక్ చూస్తుంటే అన్నయ్యకి తమ వదిన అంటే ఎంత ఇష్టమో తెలుస్తోందని ఆయన అభిమానులు అంటున్నారు.
ఇక ఈ ఫొటో ఎక్కడ తీసింది? ఆ బొకేని రామ్చరణ్ ఎక్కడ కొని, షాపింగ్ చేశాడో మాత్రం తెలియడం లేదు. ఇక త్వరలో రామ్చరణ్ బోయపాటి శ్రీను చిత్రంలో పాల్గొని నిరంతరాయంగా జరిగే షెడ్యూల్తో షూటింగ్ను పూర్తి చేయనున్నాడట.
Upasana shares Cherry’s flower shopping secrets
