రవితేజ కి జోడిగా అందమైన హీరోయిన్స్
Rajisha Vijayan and Divyansha Kaushik enters Ramarao on Dutyమాస్ మహారాజా రవితేజ హీరోగా నటిస్తున్న తాజా చిత్రం రామారావు ఆన్ డ్యూటీ. రవితేజ కెరీర్లో 68వ మూవీగా రూపొందుతున్న ఈ చిత్రాన్ని ఎస్ఎల్వీ సినిమాస్ ఎల్ఎల్పీ, రవితేజ టీమ్ వర్క్స్ పతాకాలపై సుధాకర్ చెరుకూరి నిర్మిస్తున్నారు. ఈ మూవీ ద్వారా శరత్ మండవ దర్శకునిగా తెలుగు సినీ పరిశ్రమకు పరిచయం అవుతున్నారు. ఇటీవల విడుదల చేసిన ఈ సినిమా ఫస్ట్లుక్కు విశేష స్పందన లభించింది. ఈ చిత్రంలో రవితేజ పవర్ఫుల్ ప్రభుత్వఅధికారిగా కనిపించనున్నారు. దీంతో ఈ సినిమాపై ప్రేక్షకులకు ఉన్న ఆసక్తి మరింత పెరిగడంతో పాటుగా అంచనాలు కూడా పెరిగాయి. రామారావు ఆన్ డ్యూటీ చిత్రంలో ఒక్క రామారావుగా ఒక్క రవితేజ క్యారెక్టరే కాదు ఈ సినిమాలోని ప్రతిపాత్రకు ప్రాముఖ్యం ఉంది.
కథానుగుణంగా రామారావు ఆన్ డ్యూటీ చిత్రంలో ఇద్దరు హీరోయిన్లకు అవకాశం ఉంది. మజలీ సినిమాలో తన నటనతో తెలుగు ప్రేక్షకుల మనసు గెలుచుకున్న దివ్యాంశ కౌశిక్ ఇప్పటికే ఈ చిత్రంలో ఒక హీరోయిన్గా పరిచయం అయ్యారు. ఈ సినిమాలోని మరో ప్రధానమైన హీరోయిన్ పాత్రకు మలయాళ నటి రాజీషా విజయన్ను చిత్రబృందం ఎంపిక చేసుకుంది. రాజీషకు తెలుగులో రవితేజ రామారావు ఆన్ డ్యూటీ తొలి చిత్రం కావడం విశేషం.
ప్రస్తుతం ఈ సినిమా షూటింగ్ హైదరాబాద్లో జరుగుతుంది. కొన్ని రోజులుగా రవితేజ, దివ్యాంశ, రాజీషలపై సినిమాలోని కీలక సన్నివేశాలను చిత్రీకరణ జరుగుతుంది. వాస్తవ సంఘటనల ఆధారంగా
రూపొందుతున్న ఈ డిఫరెంట్ థ్రిల్లర్కు ప్రముఖ నటీనటులు, అత్యున్నత సాంకేతిక నిపుణులు అసోసియేటై ఉన్నారు.
Rajisha Vijayan In Mass Maharaja Ravi Teja, Sarath Mandava, Sudhakar Cherukuri Ramarao On Duty
