ఎందుకంటే మామ ఇది మన సినిమా

ఐకా ఫిల్మ్ ఫాక్టరీ బ్యానర్ పై అసిఫ్ ఖాన్ మరియు మౌర్యాని హీరో హీరోయిన్స్ లుగా నటిస్తున్న సినిమా నేడే విడుదల. ఈ సినిమాను కొత్త దర్శకుడు రామ్ రెడ్డి పన్నాల డైరెక్ట్ చేస్తున్నారు. అయితే కొత్త ప్రచారానికి శ్రీకారం చుట్టిన ఈ సినిమాకు ప్రేక్షకులు బ్రహ్మారథం పట్టిన విషయం మనకు తెలిసిందే. అయితే తాజాగా ఈ సినిమా టైటిల్ సాంగ్ ని రిలీజ్ చేసారు చిత్ర యూనిట్. ఎందుకంటే మామ ఇది మన సినిమా అనే హుక్ లైన్ ఆసాంతం, పాటను మళ్ళి మళ్ళి వినేలా వుంది. శ్రీమణి రచించిన ఈ సాంగ్ ని క్రేజీ అండ్ సెన్సేషనల్ సింగర్ రాహుల్ సిప్లిగంజ్ మంచి ఈజ్ తో అద్భుతంగా పాడారు.   

ఈ సందర్భంగా దర్శక నిర్మాతలు మాట్లాడుతూ మా సినిమా పోస్ట్ ప్రొడక్షన్ చివరి దశలో ఉందని, మరో వారంలో ట్రైలర్ రిలీజ్ చేసి అతి త్వరలో మా సినిమాతో మీ ముందుకు వస్తాం అని తెలిపారు, అంతేకాక ఈ సినిమా మల్టిప్లెక్స్ అభిమాని నుండి నెల టిక్కెట్టు సాధారణ ప్రేక్షకుడి వరకూ ప్రతి ఒక్క సినిమా అభిమానికి తప్పకుండా నచ్చుతుంది, అటువంటి కథతో మా నేడే విడుదల సినిమాను తెరకెక్కించాం అని తెలిపారు.  

ఈ సినిమాలో మిగిలిన తారాగణంగా  కాశి విశ్వనాథ్, అప్పాజీ అంబరీషా, మాధవి, టి ఎన్ ఆర్, అదుర్స్ ఆనంద్, పీలా గంగాధర్, జబర్దస్ నవీన్ లు నటించిగా, ఈ సినిమాకు సంగీతం అజయ్ అరసాడ, లిరిక్స్ శ్రీమణి, కెమెరా సి హిచ్ మోహన్ చారి, ఎడిటింగ్ సాయి బాబు తలారి, ఫైట్స్ అంజి,  ఆర్ట్ డైరెక్టర్ సి హెచ్ రవి కుమార్, సిజి : ఆర్ అంకోజీ రావు, నిర్మాతలు నజురుల్లా ఖాన్, మస్తాన్ ఖాన్, రచన దర్శకత్వం రామ్ రెడ్డి పన్నాల. 

లహరి మ్యూజిక్ యూట్యూబ్ ఛానెల్ లో అందుబాటులో ఉన్న ఈ పాటను మీరు కూడా విని ఆనందించండి.