'ధృవ'కి ఆ జాగ్రత్తలు తీసుకోవడం లేదా?
ఓ చిత్రాన్ని రీమేక్ చేయాలనుకున్నప్పుడు నిర్మాతలు, హీరోలు చాలా విషయాల్లో జాగ్రత్తలు తీసుకుంటారు. అఫీషియల్గా ఆ చిత్రాలను అందుబాటులో లేకుండా చేస్తారు. అదే ఒరిజినల్ కాపీ ఉంటే ఆ చిత్రం మాతృకను వెంటనే ఎక్కువ మంది చూసేస్తారు. దాంతో ఈ రీమేక్ను ఒరిజినల్ చూసిన ప్రేక్షకులు, అభిమానులు ఈ రీమేక్ మాతృకలో ఉన్నంత ఎఫెక్టివ్గా తీయకపోతే అసలుకే మోసం వస్తుంది. కానీ ఈ జాగ్రత్తలు ఏమీ 'ధృవ' చిత్రం విషయంలో నిర్మాత అల్లుఅరవింద్ తీసుకోకపోవడం చరణ్ అభిమానులకు మింగుడుపడటం లేదు.ఇప్పటికే చరణ్ రీమేక్ చేస్తున్న 'తని ఒరువన్' ఒరిజినల్ వెర్షన్ను చాలామంది చూసేసారు. రేపు 'ధృవ' విడుదలైన తర్వాత ఆ ఎఫెక్ట్ ఈ రీమేక్పై పడుతుందని ఖచ్చితంగా చెప్పవచ్చు. ఒరిజినల్ను మించిన రీతిలో ఉంటేనే అభిమానులు, సినీ ప్రియులు ఈ చిత్రాన్ని ఆదరిస్తారు. అది ఏమాత్రం ఒరిజినల్ వెర్షన్ కంటే బాగుండకపోతే మాత్రం బ్యాడ్ టాక్ వెంటనే స్ప్రెడ్ అయిపోవడం ఖాయమని, ఇంత అనుభవం ఉన్న నిర్మాత అల్లుఅరవింద్ రీమేక్ విషయంలో ఇలాంటి జాగ్రత్తలు తీసుకోకపోవడం చరణ్ ఫ్యాన్స్కు ఆందోళన కలిగిస్తోంది.
