నేషనల్ అవార్డు విజేత ఎడిటర్ కిషోర్ ఇక లేరు..!

మూవీ మొగల్ రామానాయుడు, ఎమ్మెస్ నారాయణ వంటి వారిని మరువక ముందే సినీ ప్రపంచంలో మరో వ్యక్తి కన్ను మూశారు. తెలుగులో 'ధోని' , 'గగనం' , 'ఉలవచారు బిరియాని' వంటి సినిమాలకు ఎడిటింగ్ చేసిన టాలెంటెడ్ టెక్నీషియన్ కిషోర్ గారు ఈరోజు మధ్యాహ్న వేళ చెన్నైలో ఓ ప్రైవేట్ హాస్పిటల్ లో మృతి చెందారు. ఫాటల్ బ్రెయిన్ స్ట్రోక్ తో హాస్పిటల్ లో జాయిన్ అయిన కిషోర్ గారికి బ్రెయిన్ హ్యామరేజ్ ఉందని తేల్చిన వైద్యులు ఆ వ్యాధికి సంబంధిన ట్రీట్ మెంట్ కొనసాగించారు. సర్జరీ చేసినప్పటి నుండి కోమా లోనే ఉన్న వీరు ఈరోజు మరణించారని వైద్యులు దృవీకరించారు. తమిళంలో ధనుష్ నటించిన 'అడుకాలం' అనే సినిమాకు బెస్ట్ ఎడిటర్ గా కిషోర్ గారు నేషనల్ అవార్డు పొందారు.