ఆరోజు చిరుకి ఎన్టీఆర్ ఇచ్చిన సలహానే!
Megastar Chiranjeevi Great Words About NTR And ANRఆ రోజు నందమూరి తారక రామారావుగారు ఇచ్చిన సలహానే ఈ రోజు నా కుటుంబం నిలబడేలా చేసిందని అన్నారు మెగాస్టార్ చిరంజీవి. లోక్నాయక్ ఫౌండేషన్ ఆధ్వర్యంలో ఎన్టీఆర్ 28వ పుణ్యతిథి, అదే సమయంలో ఏఎన్నార్ శత జయంతి కార్యక్రమాన్ని శనివారం విశాఖపట్నంలో నిర్వహించారు. ఈ కార్యక్రమానికి మెగాస్టార్ చిరంజీవి ముఖ్య అతిథిగా హాజరయ్యారు. ఈ వేదికపై రచయిత యండమూరి వీరేంద్రనాథ్కు లోక్నాయక్ సాహిత్య పురస్కారం ప్రదానం చేయగా.. మెగాస్టార్ తన బయోపిక్ బాధ్యతలని యండమూరికి ఇస్తున్నట్లుగా ప్రకటించారు.
అనంతరం ఎన్టీఆర్, ఏఎన్నార్లతో తనకున్న అనుబంధాన్ని చిరంజీవి చెప్పుకొచ్చారు. ముఖ్యంగా ఎన్టీఆర్ ఇచ్చిన సలహాలు తనకు ఎంతో ఉపయోగాపడ్డాయని, ఈ రోజు తనను నిలబడేలా చేశాయని చిరంజీవి అన్నారు. అప్పట్లో సంపాదించే డబ్బును ఇనుప ముక్కల కోసం ఖర్చు చేయకుండా.. ఏదైనా మంచి ఇల్లు కొనుక్కుని, తర్వాత స్థలాలపై పెట్టుబడి పెట్టాలని ఎన్టీఆర్ తనకు చెప్పారని అన్నారు.
ఈ ఇండస్ట్రీలో మనం ఎప్పుడూ సూపర్ స్టార్స్గా ఉంటామని భావించవద్దని, ఇది శాశ్వతం కాదని ఆనాడే ఆయన జాగ్రత్తలు చెప్పారు. ఆ జాగ్రత్తలు పాటించి అక్కడక్కడా స్థలాలు కొన్నానని, ఆ స్థలాలే ఈ రోజు తనని, తన ఫ్యామిలీని కాపాడుతున్నాయని చెబుతూ.. ఎన్టీఆర్ ముందస్తు సూచన తనకు ఎలా మేలు చేసిందో మెగాస్టార్ వివరించారు. ఏయన్నార్ గురించి చెబుతూ.. తన బలహీనతలను బలంగా చేసుకుని నటించేవారని.. అవే ఆయనకు ఎనలేని కీర్తిని తీసుకువచ్చాయని పేర్కొన్నారు.
The advice given by NTR that day is what keeps me going today Says Chiranjeevi
