ముంబై ఎయిర్ పోర్ట్ లో వరుణ్-లావణ్యలు

వరుణ్ తేజ్-లావణ్య త్రిపాఠి మరో నెల రోజుల్లో పెళ్లి పీటలెక్కేందుకు సిద్ధమవుతున్నారు. ఐదేళ్ల స్నేహాన్ని ప్రేమగా మార్చుకుని జూన్ లో పెద్దల సాక్షిగా నిశ్చితార్థంతో ఒక్కటిగా మారిన వరుణ్ తేజ్-లావణ్య త్రిపాఠిలు ఇప్పుడు నవంబర్ లో డెస్టినేషన్ వెడ్డింగ్ కి రెడీ అవుతున్నారు. ఇప్పటికే పెళ్ళికి సంబందించిన షాపింగ్ మొదలు పెట్టేసింది ఈ జంట. హైదరాబాద్ లోనే వరుణ్-లావణ్య ల వెడ్డింగ్ షాపింగ్ జరుగుతుంది. 

ఈరోజు వరకు ఈజంట విదేశాలకి పెళ్లి వేదిక కోసం వెళ్ళారని తెలుస్తోంది. ఇటలీ వేదికగా వరుణ్ తేజ్-లావణ్య త్రిపాఠి డెస్టినేషన్ వెడ్డింగ్ ప్లాన్స్ జరుగుతున్నాయి. ఆ వేదిక, ఆ ఈవెంట్ కి సంబందించిన ఏర్పాట్లని వరుణ్ తేజ్-లావణ్య త్రిపాఠిలు స్వయంగా చూసుకుంటున్నారు. తాజాగా వరుణ్ తేజ్-లావణ్య త్రిపాఠి లు ముంబై ఎయిర్పోర్ట్ లో కనిపించగా.. ఫోటో గ్రాఫర్స్ వాళ్ళ వెంట పడ్డారు. 

లావణ్య త్రిపాఠి మోడ్రెన్ లుక్ లో కనిపించగా.. వరుణ్ తేజ్ నార్మల్ గా కనిపించాడు. ప్రస్తుతం వరుణ్ తేజ్-లావణ్య త్రిపాఠీ ఎయిర్ పోర్ట్ వీడియోస్ ప్రస్తుతం సోషల్ మీడియాలో వైరల్ గా మారాయి.