వీరమల్లుగా పవన్ ప్రాక్టీస్ పిక్ వైరల్
Hari Hara Veera Mallu In Martial Arts Modeహరి హర వీరమల్లు కొత్త షెడ్యూల్ కోసం దర్శకుడు క్రిష్ మాత్రమే కాదు, పవన్ కళ్యాణ్ కూడా సిద్దమైపోతున్నారు. దసరా నవరాత్రుల్లో అమ్మవారికి పూజ చేసి హరి హర వీరమల్లు వర్క్ షాప్ నిర్వహించారు. ఈ వర్క్ షాప్ లోనే పవన్ కళ్యాణ్ విలువిద్యలు ప్రాక్టీస్ చేసారు. క్రిష్ అలాగే మిగతా టీమ్ తో చర్చలు జరిపారు పవన్ కళ్యాణ్. ఇక దసరా నవరాత్రులు ముగిసాయి. పవన్ కళ్యాణ్ కూడా షూటింగ్ కి హాజరవడానికి సిద్ధమయ్యారు.
ఈ నెల 15 నుండి హరి హర వీరమాల్లో కొత్త షెడ్యూల్ హైదరాబాద్ లో వేసిన ఓ భారీ సెట్ లో మొదలు కాబోతుంది. ఈ షెడ్యూల్ లో సినిమాలోని కీలక నటులు పాల్గొంటారని, పవన్ కళ్యాణ్ పై యాక్షన్ సీక్వెన్స్ తెరకెక్కిస్తారని తెలుస్తుంది. దాదాపు ఓ 30 రోజుల ఈ భారీ షెడ్యూల్ ఉండబోతున్నట్టుగా తెలుస్తుంది. తాజాగా హరి హర వీరమల్లు మేకర్స్ పవన్ కళ్యాణ్ వీరమల్లుగా మార్షల్ ఆర్ట్స్ ప్రాక్టీస్ పిక్ ని వదలగానే పవన్ కళ్యాణ్ ఫాన్స్ ఆ పిక్ ని సోషల్ మీడియాలో వైరల్ చేసారు. గత కొన్ని నెలలుగా షూటింగ్స్ కి దూరంగా ఉంటున్న పవన్ కళ్యాణ్ మళ్ళీ హరి హర వీరమల్లు సెట్స్ లోకి అడుగుపెడుతుండడంతో పవన్ ఫాన్స్ ఊపిరి పీల్చుకుంటున్నారు.
Pawan Kalyan In Hari Hara Veera Mallu Practice Session
