మహేష్ కూడా ఫిక్స్ చేసాడుగా

గత ఏడాది జనవరి 25 నుండి ఎలా అయితే రిలీజ్ డేట్స్ జాతర మొదలయ్యిందో.. ఈ ఏడాది జనవరి 31 న మళ్ళీ మరోసారి రిలీజ్ డేట్స్ జాతర మొదలైంది. గత ఏడాది బన్నీ పుష్ప డేట్ ఇస్తే.. ఈ ఏడాది రాజమౌళి ఆర్.ఆర్.ఆర్ డేట్ తో మొదలు పెట్టారు. ఆర్.ఆర్.ఆర్ మార్చ్ 25, భీమ్లా నాయక్ ఫిబ్రవరి 25 లేదంటే ఏప్రిల్ 1 అంటూ డేట్ ఇచ్చారు. ఆచార్య ఏప్రిల్ ఫస్ట్ నుండి ఏప్రిల్ 29 కి డేట్ మార్చేసింది. ఏప్రిల్ 1 కి రావాల్సిన మహేష్ సర్కారు వారి పాట పరిస్థితి ఏమిటో అని మహేష్ ఫాన్స్ ఆలోచించేలోపే సర్కారు వారి పాట మేకర్స్ రిలీజ్ డేట్ ఇచ్చారు.

ఏప్రిల్ 28 న ఎఫ్ త్రీ, 29 న ఆచార్య రిలీజ్ అవడంతో.. రెండు వారాల గ్యాప్ తో మహేష్ సర్కారు వారి పాట బాక్సాఫీసు దగ్గరికి రాబోతుంది. అంటే మే 12, 2022 న సర్కారు వారి పాట ఆగమనానికి ముహూర్తం ఫిక్స్ చేసారు మేకర్స్. ఇక మహేష్ బాబు మోకాలి ఆపరేషన్ తో వాయిదా పడిన సర్కారు వారి పాట షూటింగ్ నేడు హైదరాబాద్ లో మొదలైంది. మహేష్ బాబు, కీర్తి సురేష్ ఇంకా కీలక నటులపై కొత్త షెడ్యూల్ చిత్రీకరణ చేపట్టారు దర్శకుడు పరశురామ్.