మళ్ళీ తెరపైకి క‌మ‌ల్ హాస‌న్ టైటిల్ వివాదం

Kamal Haasan's Sandiyar title rowKamal Haasan's Sandiyar title row

విశ్వ‌న‌టుడు కమల్ హాసన్ నటిస్తున్న తాజా చిత్రానికి సంబంధించి టైటిల్ వివాదం తెరపైకి వచ్చింది. ఎస్.యు. అరుణ్ కుమార్ దర్శకత్వంలో తెరకెక్కుతున్న సినిమాకు `సండియార్` అనే పేరును ఖరారు చేయడంపై పుతియ తమిళగం పార్టీ నేత క్రిృష్ణసామి తీవ్ర అభ్యంతరం వ్యక్తం చేశారు. గతంలో 2003లో కూడా కమల్ హాసన్ ఇదే టైటిల్‌తో సినిమా ప్రకటించగా తీవ్ర వ్యతిరేకత రావడంతో ఆ పేరును `విరుమాండి`గా మార్చాల్సి వచ్చింది.

ఈ వివాదంపై స్పందించిన చలనచిత్ర నిర్మాత కౌన్సిల్  అధ్యక్షుడు తమిళ కుమారన్ నిబంధనల ప్రకారమే టైటిల్ కేటాయించినట్లు వివరించారు. కౌన్సిల్‌లో రిజిస్టర్ అయిన ఏదైనా టైటిల్‌ను 10 సంవత్సరాల పాటు నిల్వ ఉంచుతామని.. ఆ తర్వాత సదరు నిర్మాత అనుమతితో ఎవరైనా ఉపయోగించవచ్చని తెలిపారు. 13 సంవత్సరాల క్రితం నాటి టైటిల్‌ను కమల్ హాసన్ బృందం కోరడంతోనే కేటాయించామని.. దీనిపై రాబోయే సమావేశంలో చర్చిస్తామని  పేర్కొన్నారు.

మరోవైపు ఈ టైటిల్ దక్షిణాంధ్ర తమిళనాడులో కులగత ఘర్షణలకు దారితీసే అవకాశం ఉందని కృష్ణసామి హెచ్చరించారు. ఈ పేరును వారం రోజుల్లోగా మార్చాలని డిమాండ్ చేస్తూ మంత్రి రాజ్ తమిళ కుమారన్‌లకు వినతిపత్రాలు సమర్పించారు.  టైటిల్ మార్చకపోతే షూటింగ్ జరిగే ప్రదేశంలో తమ పార్టీ ఆధ్వర్యంలో నిరసనలు చేపడతామని.. అవసరమైతే కేంద్ర ప్రభుత్వాన్ని ఆశ్రయిస్తామని  హెచ్చరించడంతో ఈ అంశంపై  ఉత్కంఠ నెలకొంది.

Sandiyar title row: Krishnasamy issues fresh warning to Kamal Haasan