ఏది ఎప్పుడ‌న్న‌ది అన్నయ్య డిసైడ్ చేస్తారా?
Will Megastar decide when things happen?మెగాస్టార్ చిరంజీవి చిత్రాల విడుదల తేదీలపై నెట్టింట ఆసక్తికర చర్చ నడుస్తోంది. ముఖ్యంగా సంక్రాంతి బరిలో ఏ సినిమాను నిలబెట్టాలనే విషయంలో చిరంజీవి సమగ్రమైన వ్యూహంతో ముందుకు వెళ్తున్నట్లు సమాచారం. ప్రస్తుతం లైన్‌లో ఉన్న `విశ్వంభర`,`కాకా` చిత్రాలలో సంక్రాంతి పండుగ రేసులో ఏది దిగాలనేది పూర్తిగా అన్నయ్య నిర్ణయంపైనే ఆధారపడి ఉంది.
సాధారణంగా పండుగ సీజన్.. ముఖ్యంగా సంక్రాంతి సమయానికి థియేటర్ల లభ్యత , ప్రేక్షకుల అంచనాలు చాలా ఎక్కువగా ఉంటాయి. ఈ నేప‌థ్యంలో రెండు సినిమాల షూటింగ్స్, పోస్ట్ ప్రొడక్షన్ పనులు శరవేగంగా సాగుతున్నా? తొందరపడి విడుదల తేదీని ఖరారు చేయకూడదని భావిస్తున్నారు. రెండు చిత్రాల ఫైనల్ అవుట్‌పుట్ పూర్తిగా సిద్ధమైన తర్వాతే రష్‌స్ చూసి కంటెంట్ పరంగా పండుగ రేసుకి ఏ సినిమా పర్‌ఫెక్ట్‌గా సరిపోతుందో చిరంజీవి నిర్ణయించనున్నారుట.
విజువల్ ఎఫెక్ట్స్ .. సోషియో ఫాంటసీ అంశాలతో తెరకెక్కుతున్న `విశ్వంభర` ఒకవైపు మాస్ పక్కా కమర్షియల్ ఎలిమెంట్స్‌తో రూపొందుతున్న `కాకా` మరొకవైపు ఉండటంతో మెగా అభిమానుల్లో భారీ అంచనాలు నెలకొన్నాయి. అవుట్‌పుట్ విషయంలో ఎలాంటి రాజీ పడకుండా విఎఫ్‌ఎక్స్ నాణ్యత , ఎడిటింగ్ పూర్తిస్థాయిలో సంతృప్తినిచ్చిన సినిమాకే సంక్రాంతి విడుదలకు మొదటి ప్రాధాన్యత లభించనుంది. మిగిలిన చిత్రాన్ని త‌దుప‌రి స‌రైన డేట్‌కు రీ-షెడ్యూల్ చేసే ఆలోచనలో మేకర్స్ ఉన్నారుట.
