ఈసారి సుకుమార్ కి విజయ్ ఓకే చెబుతాడా?
Vijay Sethupathi Reportedly To Play Key role In RC17
పాన్ ఇండియా డైరెక్టర్ సుకుమార్ ప్రస్తుతం రామ్ చరణ్ తో చెయ్యబోయే #RC17 ప్రీ ప్రొడక్షన్ లో అలాగే లొకేషన్స్ వేటలో బిజీగా వున్నారు. నవంబర్ 1 న #RC17 ప్రోజెక్ట్ పూజా కార్యక్రమాలతో మొదలు కాబోతుంది. ఈ చిత్రంలో హీరోయిన్ గా సారా అర్జున్ ని ఫిక్స్ చేసారు అనే టాక్ ఉంది, రుక్మిణి వసంత్ ని కూడా కన్సిడర్ చేస్తున్నారనే టాక్ నడుస్తుంది.
అయితే #RC17 లో ఓ కీలక పాత్ర కోసం సుకుమార్ కోలీవుడ్ స్టార్ హీరో ని తీసుకొచ్చేందుకు గట్టిగా ప్లాన్ చేసారని.. అది కూడా విజయ్ సేతుపతి ని #RC17 కోసం అడుగుతున్నారని తెలుస్తుంది. గతంలో సుకుమార్ విజయ్ సేతుపతి పుష్ప కోసం తీసుకున్నారు. రెమ్యునరేషన్ అన్ని మట్లాడుకుని ఓకే చేసాక విజయ్ సేతుపతి పుష్ప నుంచి తప్పుకున్నారు.
ఇప్పుడు సుకుమార్ రామ్ చరణ్ తో చెయ్యబోయే #RC17 కోసం విజయ్ సేతుపతితో చర్చలు జరుపుతున్నారనే వార్త చూసి ఈసారి సుక్కు కు విజయ్ సేతుపతి గ్రీన్ సిగ్నల్ ఇస్తారా అని మాట్లాడుకుంటున్నారు. ఏ విషయము నవంబర్ 1 న పూజా కార్యక్రమాల రోజునే క్లారిటీ వచ్చే అవకాశం ఉంది తెలుస్తుంది.
