భార్యతో విడిపోతున్న మరో కోలీవుడ్ హీరో

కోలీవుడ్ లో గత కొన్నాళ్లుగా విడాకుల వార్తలు ఎక్కువగా వినిపిస్తున్నాయి. నాలుగేళ్ళ క్రితం సార్ హీరో ధనుష్ పర్సనల్ రీజన్స్ తో భార్య ఐశ్వర్య తో విడాకులు తీసుకుని విడిపోయాడు. రీసెంట్ గా మ్యూజిక్ డైరెక్టర్ కమ్ హీరో జీవి ప్రకాష్ భార్య తో విడిపోయినట్లుగా ప్రకటించాడు. ఇప్పుడు తాజాగా మరో కోలీవుడ్ హీరో భార్య తో విడాకులు తీసుకుంటున్నట్టుగా అనౌన్స్ చెయ్యడం అభిమానులకు షాకిచ్చింది. 

పొన్నియన్ సెల్వన్ హీరో జయం రవి అతని భార్య ఆర్తి విడాకులు తీసుకుంటున్నట్లుగా ప్రకటించారు. వ్యక్తిగత కారణాలతో ఈ నిర్ణయం తీసుకున్నట్టు జయం రవి ప్రకటించారు. ఈ విషయంలో ఎలాంటి వార్తలను వ్యాప్తి చెయ్యొద్దని జయం రవి మనవి చెయ్యడం హాట్ టాపిక్ అయ్యింది. 

కొద్దిరోజులుగా జయం రవి ఆయన భార్య ఆర్తి విడాకులు తీసుకోబోతున్నారనే వార్తల నేపథ్యంలో ఇప్పుడు జయం రవి భార్య ఆర్తితో విడిపోతున్నట్టుగా అనౌన్స్ చెయ్యడంతో ఆయన అభిమానులు షాకవుతున్నారు.