పెను ప్రమాదం నుంచి బయటపడ్డ సింగర్ మంగ్లీ
Singer Mangli met with an accidentసింగర్ మంగ్లీ పెను ప్రమాదం నుంచి తప్పించుకుంది. మంగ్లీ ప్రయాణిస్తున్న కారును ఓ డీసీఎం వాహనం ఢీ కొట్టింది, ఈ ప్రమాదంలో కారులో ప్రయాణిస్తున్న ముగ్గురికి స్వల్ప గాయాలయ్యాయి. ఈ ప్రమాదం శంషాబాద్ తొండుపల్లి సమీపంలో చోటుచేసుకుంది. రంగారెడ్డి జిల్లా నందిగామ కన్హ ఆధ్యాత్మిక మహోత్సవ కార్యక్రమంలో పాల్గొన్న మంగ్లీ తన స్నేహితులతో కలిసి అర్ధరాత్రి ఇంటికి వెళుతున్న సమయంలో బెంగళూరు - హైదరాబాద్ జాతీయ రహదారిపై ప్రయాణిస్తూ ఉన్నప్పుడు ఈ ప్రమాదం సంభవించిందినట్లుగా తెలుస్తుంది.
బెంగళూరు - హైదరాబాద్ రహదారిపై తొండపల్లి సమీపంలో రాగానే మంగ్లీ కారుని ఓ డీసీఎం వాహనం వెనుక నుండి వచ్చి ఢీ కొట్టింది. మంగ్లీతో పాటుగా కారులో ప్రయాణిస్తున్న మేఘరాజ్, మనోహర్ లకి స్వల్ప గాయాలైనట్లుగా తెలుస్తోంది. వీరి కారుని గుద్దేసిన డీసీఎం డ్రైవర్ మద్యం మత్తులో ఉన్నట్లుగా సమాచారం.
Accident to Singer Mangli
