మంచు మనోజ్ వైఫ్ మౌనిక బేబీ బంప్ ఫొటోస్

మంచు మనోజ్ ప్రణతీ కి విడాకులిచ్చి భూమన మౌనిక రెడ్డిని గత ఏడాది మార్చి లో రెండో వివాహం చేసుకున్న విషయం తెలిసిందే. మంచు మోహన్ బాబు ముందు కొడుకు పెళ్లిని ఒప్పుకోకపోయినా.. మనోజ్ తన అక్క లక్ష్మి ఇంట్లోనే వివాహము చేసుకోగా.. మంచు మోహన్ బాబు దంపతులు కొడుకు-కోడలు మౌనికని ఆశీర్వదించారు. మౌనిక కి ఇది రెండో పెళ్లి మాత్రమే కాదు, ఆమెకి ఇంతకుముందు ఓ బాబు కూడా ఉన్నాడు. అయినప్పటికీ మనోజ్ మౌనిక కొడుకుని తన కొడుకుగా చేసుకున్నాడు. పెళ్లి తర్వాత ఎక్కడికి వెళ్ళినా మౌనిక ఆమె కొడుకు తో కలిసే మనోజ్ వెళ్ళేవాడు.

ఇక కొద్దిరోజుల ముందే తాను తండ్రి కాబోతున్నట్లుగా మనోజ్ మంచు అభిమానులకి గుడ్ న్యూస్ చెప్పాడు. అప్పటినుంచి మౌనిక ఎక్కడికి వెళ్లినా ఆమె బేబీ బంప్ కోసం అందరూ వెతికేస్తున్నారు. తాజాగా మంచు మౌనిక బేబీ బంప్ ఫోటో షూట్ చేయించుకుంది. మౌనిక బ్లాక్ కలర్ లాంగ్ డ్రెస్ కనిపించగా.. మనోజ్ కూడా వైట్ కలర్ షర్టు వేసుకుని ఫొటోలకి ఫోజులిచ్చాడు. తనలోని, తన పక్కన ఉన్న మనోజ్ తో తాను ఎప్పుడూ ప్రేమలో పడిపోతూనే ఉంటాను అంటూ మౌనిక భర్త మనోజ్, కొడుకు ధైరవ్ ని ట్యాగ్ చేసింది. ఈ పోస్ట్ కి మనోజ్ సరదాగా.. పిల్లా ఓ పిల్లా నువ్వంటే నాకు ప్రాణమే అని కామెంట్ చేసాడు. 

భూమా మౌనిక బేబీ బంప్ ఫోటోలు ప్రస్తుతం సోషల్ మీడియాలో వైరల్ అవుతున్నాయి. మరి మనోజ్ పెళ్లి తర్వాత సినిమా సెట్స్ లో కన్నా ఈటివి విన్ ఓటిటీ లో ఉస్తాద్ షో చేస్తూ సెలబ్రిటీస్ తో ఆటలు ఆడిస్తూ కనబడుతున్నాడు.