బిగ్ బాస్ నుండి BB జోడికి

బిగ్ బాస్ సీజన్ 6 ముగిసింది. సింగర్ రేవంత్ విన్నర్ అయ్యాడు. గత ఆదివారం బిగ్ బాస్ సీజన్ గ్రాండ్ ఫినాలే ఎపిసోడ్ తో ఆ హడావుడిని నాగార్జున వ్యాఖ్యాతగా ముగించారు. ఇక ఈ వారం BB జోడీని గ్రాండ్ గా మొదలు పెడుతున్నారు. శని, ఆది వారాల్లో రాత్రి 9 గంటలకు BB జోడి ప్రసారమవుతుంది, బిగ్ బాస్ కంటెస్టెంట్స్ తో స్టార్ మా ఈ ప్రోగ్రాం ని రిచ్ సెటప్ తో అలనాటి అందాల తార రాధా, కొరియోగ్రాఫర్ తరుణ్ మాస్టర్, అలాగే హీరోయిన్ సదా లు జెడ్జ్ లుగా మొదలు పెడుతున్నారు. 

ఈ BB జోడి కి కింగ్ నాగార్జున గెస్ట్ గా వచ్చారు. ఆయన కూడా స్టేజ్ పై అదిరిపోయే డాన్స్ పెరఫార్మెన్స్ తో కంటెస్టెంట్స్ ని ఉర్రుతలూగించారు. ఈ గ్రాండ్ ఓపెనింగ్ ఎపిసోడ్ నాగార్జున స్పెషల్ డాన్స్ తో కళకళలాడింది. శ్రీముఖి యాంకర్ గా ఈ షో మొదలవుతుంది. BB జోడి లో బిగ్ బాస్ కంటెస్టెంట్స్ అయిన అఖిల్ సార్థక్-తేజస్వి ఓ జోడి, మెహబూబ్-ఆశు రెడ్డి ఓ జోడి, సూర్య-ఫైమా ఓ జోడి, భాను-రవికృష్ణ ఓ జోడి ఇలా జోడీలుగా విడిపోయి డాన్స్ పెరఫార్మెన్స్ ఇస్తున్నారు. బిగ్ బాస్ సీజన్ 6 కంటెస్టెంట్స్ కూడా ఈ ప్రోగ్రాంలో భాగమయ్యారు.

ఒక్కో బిగ్ బాస్ జోడి ఈ BB జోడి డాన్స్ షోలో ఇరగదీస్తున్న ప్రోమోస్ సోషల్ మీడియాలో వైరల్ అయ్యాయి. ఈ రోజు డిసెంబర్ 25 ఆదివారం సాయంత్రం BB జోడి ని స్టార్ మా గ్రాండ్ గా లాంచ్ చేయబోతుంది.