మెగాస్టార్ లూసిఫర్ రీమేక్ కి దర్శకుడు మారబోతున్నాడా..?

మెగాస్టార్ చిరంజీవి సైరా నరసింహారెడ్డి తర్వాత కొరటాల శివ దర్శకత్వంలో ఆచార్య అనే సినిమా చేస్తున్న సంగతి తెలిసిందే. కాజల్ హీరోయిన్ గా నటిస్తున్న ఈ సినిమాలో రామ్ చరణ్ ఓ కీలక పాత్రలో కనిపించనున్నాడు. అయితే ఈ సినిమా అనంతరం మెగాస్టార్ మళయాల చిత్రమైన లూసిఫర్ చిత్రాన్ని తెలుగులో రీమేక్ చేయబోతున్నాడు. సాహో దర్శకుడు సుజిత్ ఈ సినిమాని డైరెక్ట్ చేయబోతున్నట్లు వార్తలు వచ్చాయి.

ఇప్పటికే సుజిత్ ఈ సినిమా ప్రీ ప్రొడక్షన్ వర్క్ స్టార్ట్ చేసాడని, తెలుగు నేటివిటీకి తగినట్లుగా మార్పులు చేసాడని కూడా అన్నారు. అదీగాక ఈ సినిమాలో చిరంజీవి చెల్లిలి పాత్రలో సీనియర్ హీరోయిన్ నటించనున్నట్లు ఊహాగానాలు వినిపించాయి. ఇలాంటి అనేక రకాల ఊహాగానాల్లో తాజాగా ఒక వార్త సంచలనం సృష్టిస్తోంది. 

సాహో సినిమాతో హిట్ అందుకోలేకపోయిన సుజిత్ కి లూసిఫర్ ద్వారా మంచి అవకాశం వచ్చిందనుకునేలోపే ఆ అవకాశం చేజారిపోయిందని అంటున్నారు. లూసిఫర్ రీమేక్ పై ఇప్పటికే ఆరు నెలలు వర్క్ చేసిన సుజిత్ ని తప్పిస్తున్నారని వినిపిస్తుంది. మరి ఈ విషయంలో చిత్రబృందం స్పందించి క్లారిటీ ఇస్తేనే బాగుంటుందని అభిమానులు ఫీల్ అవుతున్నారు.