చిరు..ఫ్యాన్స్ కి హ్యాండిస్తున్నాడా..?

ఆగష్టు 22 న చిరు బర్త్ డే కోసం మెగా ఫ్యాన్స్ కళ్ళు కాయలు కాచేలా ఎదురు చూస్తున్నారు. మెగాస్టార్ గత పుట్టినరోజులకు ఎప్పుడూ హడావిడి చేసే ఫ్యాన్స్ ఈ పుట్టినరోజుకి తమ హడావిడి ఇంకాస్త ఎక్కువ చెయ్యనున్నారు. ఎందుకంటే మొన్న చిరు 151 మూవీ సైలెంట్ గా కొణిదెల ప్రొడక్షన్ కంపెనీలో ప్రారంభమవడంతో కాస్త అప్ సెట్ అయిన ఫాన్స్.. చిరు బర్త్ డే రోజున విడుదల కాబోతున్న చిరు 151 వ లోగో కోసం, మోషన్ పోస్టర్ కోసం ఎదురు చూస్తున్నారు. మరి ఆరోజు రానే వచ్చేసింది. ఇక చిరంజీవికి ఈ ఆగష్టు 22 కి 62 నిండి 63 వ ఒడిలోకి అడుగుపెట్టబోతున్నాడు.

చిరు 151 వ చిత్రం ఉయ్యాలవాడ నరసింహారెడ్డి జీవిత కథ ఆధారంగా తెరకెక్కబోతుంది. అదే రోజు అంటే చిరు బర్త్ డే రోజున ఆ చిత్రానికి సంబందించిన లోగో లాంచ్, మోషన్ పోస్టర్ ని దర్శకదీరుడు రాజమౌళి చేతుల మీదుగా గచ్చిబౌలిలోని సంధ్య కన్వెన్షన్ సెంటర్లో విడుదల చేయబోతున్నారు. అభిమానుల సమక్షంలో జరిగే ఈ వేడుకల్ని చిరు 151  చిత్ర నిర్మాత, చిరు తనయుడు రామ్ చరణ్ దగ్గరుండి పర్యవేక్షిస్తున్నాడు. ఆ సినిమాలో ఇప్పటిదాకా ఫిక్స్ అయిన నటీనటులతో పాటు టాలీవుడ్ కి చెందిన అనేకమంది పెద్దలు ఈ ఫంక్షన్లో పాల్గొనే అవకాశం ఉన్నట్లు సమాచారం అందుతుంది. ఇక ఈ వేడుక కోసం రెండు రాష్ట్రాలలోని మెగా అభిమానులు హైదరాబాద్ కి చేరుకుంటున్నారు.

అయితే ఇప్పుడు ఈ వేడుకలకి మెగాస్టార్ దూరంగా ఉంటాడనే టాక్ వినబడుతుంది. అభిమానుల తాకిడిని ముందే ఊహించి చిరు వ్యూహాత్మకంగా వేరే ప్రాంతానికి వెళ్లిపోయి తన బర్త్ డే ని జరుపుకోబోతున్నాడనే న్యూస్ ఇండస్ట్రీలో హాట్ టాపిక్ అయ్యింది. ఇక మెగాస్టార్ 151 వ చిత్ర లోగో లాంచ్, మోషన్ పోస్టర్ విడుదల ఈవెంట్ ని రామ్ చరణ్ దగ్గరుండి చూసుకుంటున్నాడు కాబట్టి చిరు లేకపోయినా పెద్ద ప్రాబ్లెమ్ లేదంటున్నారు. ఇకపోతే చిరంజీవి సరసన ఈ మూవీలో నయనతార ని ఫైనల్ చేశారని చెబుతున్నారు. అదే గనక నిజమైతే బాలకృష్ణ 102 వ చిత్రం షూటింగ్ కోసం హైదరాబాద్ వచ్చిన నయన్ ని చరణ్, చిరు గనక ఈ మెగా ఈవెంట్ కి ఆహ్వానిస్తే కచ్చితంగా వస్తుందనే టాక్ కూడా వినబడుతుంది. చూద్దాం మంగళవారం ఉదయం ఏం జరగబోతుందో?