కుక్కలతో ఫోటోలకు ఫోజులిచ్చిన సీనియర్ బ్యూటీ!
Raveena Tandon attended the Ohh My Dog screeningఇటీవల ముంబైలో పంకజ్ త్రిపాఠి నటించిన `ఓహ్ మై డాగ్` సినిమా ప్రత్యేక ప్రదర్శన కార్యక్రమం ఘనంగా జరిగిన సంగతి తెలిసిందే. ఈవెంట్కు బాలీవుడ్ ప్రముఖులతో పాటు నటి రవీనా టండన్ కూడా హాజరయ్యారు. ఈ సందర్భంగా అక్కడ జరిగిన ఊహించని సంఘటన సోషల్ మీడియాలో వైరల్ అవుతోంది. సినిమా ప్రమోషన్లలో భాగంగా అక్కడ ఏర్పాటు చేసిన కుక్కలతో రవీనా టండన్ ఎంతో ఆప్యాయంగా ఫొటోలకు ఫోజులు ఇచ్చారు.
అయితే రవీనా దిగి లేచే సమయంలో ఆ శునకాలలో ఒకటి అకస్మాత్తుగా గట్టిగా అరవడం ప్రారంభించింది. ఆ సమయంలో రవీనా ధరించిన దుస్తుల కొంగు ఆ కుక్క నోటికి తగలుకోవడంతో అది దూకుడుగా ప్రవర్తించింది. సాధారణంగా ఇలాంటి అనూహ్య పరిణామాలు ఎదురైనప్పుడు సెలబ్రిటీలు ఆందోళన చెందడం ..భయపడటం సహజం. కానీ రవీనా టండన్ మాత్రం ఏమాత్రం కంగారు పడకుండా సంయమనాన్ని ప్రదర్శించారు.
ఆ పరిస్థితిని ప్రశాంతంగా ఎదుర్కొన్న రవీనా కుక్కను భయపెట్టకుండా దానిని శాంతింపజేసే ప్రయత్నం చేశారు. అంతేకాదు ఆ సంఘటన తర్వాత మీడియాతో మాట్లాడిన రవీనా, అది తనపై చేసిన దాడి కాదని అక్కడ మరో కుక్క రావడంతో ఉత్సాహంతో అలా స్పందించిందని స్పష్టం చేశారు. జంతువులపై ఆమెకు ఉన్న నిజమైన ప్రేమను, పరిపక్వతను ఈ ఘటన మరోసారి నిరూపించింది.
