మార్కెట్ లో పిండడంలో ఎవ్వరూ తగ్గలేదు!
Tollywood vs Kollywoodటాలీవుడ్ - కోలీవుడ్ బాక్సాఫీస్ వద్ద భారీ చిత్రాల థియేట్రికల్ , ఓటీటీ రైట్స్ విషయంలో నిర్మాతలు ఏమాత్రం తగ్గేదే లేదనే ధోరణిని ప్రదర్శిస్తున్నారు. ముఖ్యంగా `జైలర్` సాధించిన సంచలన విజయం తర్వాత సీక్వెల్ `జైలర్ 2 రైట్స్ను దక్కించుకోవడానికి పంపిణీదారులు పోటీ పడుతున్నప్పటికీ నిర్మాతలు మాత్రం భారీ ధరను డిమాండ్ చేస్తూ డీల్స్ను ఆకాశానికి తీసుకెళ్తున్నారు. ఈ క్రేజ్ చూస్తుంటే భారీ హిట్ తర్వాత నిర్మాతలు తమ సినిమా వాల్యూను మార్కెట్లో ఏ స్థాయిలో కాపాడుకుంటున్నారో? స్పష్టమవుతోంది.
ఇదే తరహా పరిస్థితి చిరంజీవి నటిస్తోన్న `విశ్వంభరం` చిత్ర విషయంలోనూ కనిపిస్తోంది. భారీ బడ్జెట్ మరియు భారీ అంచనాలతో తెరకెక్కుతున్న ఈ చిత్రం పట్ల ట్రేడ్ వర్గాల్లో ఇప్పటికే భారీ క్రేజ్ నెలకొంది. ఈ సినిమాకు సంబంధించిన ఓటీటీ రైట్స్ డీల్స్ విషయంలో నిర్మాతలు ఏమాత్రం పట్టు విడవకుండా? డిజిటల్ ప్లాట్ఫామ్స్ ముందు కఠినమైన షరతులను ఉంచుతున్నారని సమాచారం. భారీ చిత్రాలకు ఉన్న డిమాండ్ను బట్టి తాము ఆశించిన ధరకు తగ్గితేనే డీల్ ఫైనల్ చేయాలనేది వారి వ్యూహంగా కనిపిస్తోంది.
ఒక వైపు భారీ చిత్రాల కోసం డిస్ట్రిబ్యూటర్లు స్ట్రీమింగ్ ప్లాట్ఫామ్స్ వేచి చూస్తుంటే మరోవైపు నిర్మాతలు కూడా తమ సినిమా బిజినెస్ను పకడ్బందీగా ప్లాన్ చేస్తున్నారు. ఈ ధోరణి చూస్తుంటే? రాబోయే రోజుల్లో పెద్ద సినిమాల ప్రీ-రిలీజ్ బిజినెస్ మరింతగా పెరగడం ఖాయమని ట్రేడ్ అనలిస్టులు భావిస్తున్నారు. ఏది ఏమైనా? బాక్సాఫీస్ వద్ద సక్సెస్ ఫార్ములాను నమ్ముకున్న దర్శక నిర్మాతలు వ్యాపార పరంగా ఎక్కడా రాజీ పడకుండా తమ చిత్రాల స్థాయిని చాటుకుంటున్నారు.
