సంక్రాంతికి మెగా బాస్ ట్రీట్ లోడింగ్

మెగాస్టార్ చిరంజీవి 158వ చిత్రం (మెగా 158) బాక్సాఫీస్ వద్ద మరో సంక్రాంతి ట్రీట్ కు సిద్ధమవుతోంది. ఇటీవలే ఆంధ్రప్రదేశ్ డిప్యూటీ సీఎం పవన్ కల్యాణ్ ముఖ్య అతిథిగా హాజరైన గ్రాండ్ ఈవెంట్‌తో ఈ ప్రతిష్టాత్మక చిత్రం ఘనంగా ప్రారంభమైంది. డైరెక్టర్ బాబీ కొల్లి (కె.ఎస్. రవీంద్ర) ఈ ప్రాజెక్ట్‌ను శరవేగంగా తెరకెక్కిస్తుండగా, తాజాగా పొల్లాచ్చిలో ప్లాన్ చేసిన కీలకమైన షెడ్యూల్ విజయవంతంగా పూర్తయింది. షూటింగ్ ఊహించిన దానికంటే వేగంగా కంప్లీట్ అవ్వడంతో చిత్రయూనిట్ ఫుల్ జోష్‌లో ఉంది. ఇప్పటికే మెగాస్టార్ చిరంజీవి ఇటీవలి పబ్లిక్ అప్పియరెన్సులను బట్టి ఈ సినిమాలో ఆయన వింటేజ్ మాస్ లుక్ ఏ రేంజ్‌లో ఉండబోతోందో క్లియర్ కట్‌గా అర్థమవుతోంది.

పొల్లాచ్చి షెడ్యూల్ సక్సెస్‌ఫుల్‌గా ముగియడంతో `మెగా 158` టీమ్ ఈ సినిమాను 2027 సంక్రాంతి కానుకగా భారీ స్థాయిలో విడుదల చేసేందుకు పూర్తి నమ్మకంతో అడుగులు వేస్తోంది. వాల్తేరు వీరయ్య వంటి ఇండస్ట్రీ హిట్ తర్వాత మెగాస్టార్ - డైరెక్టర్ బాబీ కాంబినేషన్‌లో వస్తున్న రెండో సినిమా కావడం... పైగా చిరంజీవికి ఎంతో అ కలిసివచ్చిన సంక్రాంతి సీజన్‌ను టార్గెట్ చేయడంతో అభిమానుల్లో అంచనాలు ఆకాశాన్ని తాకుతున్నాయి. సంక్రాంతి రేసులో మెగా ట్రీట్ ఖాయం చేస్తూ.. ఈ చిత్ర విడుదల తేదీకి సంబంధించిన అధికారిక ప్రకటన కూడా త్వరలోనే ఉంటుంద‌ని తెలుస్తోంది.