ఖుష్బూ వెల్లడించిన సంచలన వాస్తవాలు

నటి ఖుష్బూ హీరోయిన్ గా, కేరెక్టర్ ఆర్టిస్ట్ గాను, ఇప్పుడు పాలిటిక్స్ లో బిజీగా గడుపుతున్నారు. తమిళనాట సుందర్ సి ని వివాహం చేసుకున్న ఖుష్బూ ప్రస్తుతం తెలుగు సినిమాలతో పాటుగా ఈటీవీలో వస్తున్న జబర్దస్త్ ప్రోగ్రామ్ కి జెడ్జ్ గా వ్యవరిస్తున్నారు. బిజెపి పార్టీలో చేరి పాలిటిక్స్ లో యాక్టీవ్ గా ఉంటున్న ఖుష్బూ తన తండ్రిపై చేసిన ఆరోపణలు కోలీవుడ్, టాలీవుడ్ మీడియాలో సంచలనంగా మారాయి. దేశంలో మ‌హిళ‌లు ఎదుర్కొంటున్న స‌మస్య‌ల‌పై మాట్లాడుతూ ఖుష్బూ.. మ‌హిళ‌లు ఎదుర్కొంటున్న లైంగిక వేధింపుల గురించి కూడా మాట్లాడారు

ఆ సందర్భంలోనే తన తండ్రి తనని లైంగిక వేధింపులకు గురి చేశాడంటూ షాకింగ్ కామెంట్స్ చేసారు.16 ఏళ్ల వ‌య‌సులో తన తండ్రి కుటుంబాన్ని వ‌దిలేసి వెళ్లిపోయిన‌ట్లుగా చెప్పడమే కాకుండా చిన్న పిల్లలపై లైంగిక దాడి జరిగినప్పుడు ఆ బాధ వారిని జీవితాంతం వెంటాడుతుంది. నిజంగా అది వారి జీవితంలో ఓ మ‌చ్చ‌గా మిగులుతుంది. మా అమ్మతో పెళ్లి అయిన‌ప్ప‌టి నుంచి నా తండ్రి నా తల్లిని దారుణంగా హింసించేవాడు. మ‌మ్మ‌ల్ని కూడా కొట్టేవాడు. 8 ఏళ్ల వ‌య‌సులోనే నా తండ్రివలన లైంగిక వేధింపుల‌కు గుర‌య్యాను.

15 ఏళ్లు వ‌చ్చేస‌రికి ఎదురు మాట్లాడే ధైర్యం వ‌చ్చింది. ఈ విష‌యం మా అమ్మ‌కు కూడా ఇంతవ‌ర‌కు చెప్ప‌లేదు. ఇప్పుడు చెప్పినా ఆవిడ నమ్మ‌దు అంటూ ఖుష్బూ బాధగా మాట్లాడిన మాటలు షాక్ కి గురి చేస్తున్నాయి.