సంకట స్ధితిలో శృతిహాసన్...!
శృతిహాసన్కు వరుస అవకాశాలు వస్తున్నా ఆమెకు డేట్స్ ప్రాబ్లమ్ వస్తోంది. పవన్తో చేయనున్న 'కాటమరాయుడు' చిత్రంలో ఆమె నటిస్తోంది. కాగా ఈ చిత్రం ఎప్పుడో సెట్స్పైకి వెళ్లాల్సివుంది. కానీ ఆలస్యం అయింది. మరోవైపు శృతిహాసన్ తన తండ్రి కమల్హాసన్తో నటిస్తున్న 'శభాష్నాయుడు' చిత్రం కమల్కు గాయం అయిన కారణంగా కొంతకాలం నుంచి శృతిహాసన్ ఖాళీగానే ఉంది. ఈ రెండు చిత్రాల వల్ల తన డేట్స్ ప్రాబ్లమ్స్ కారణంగా ఈ రెండు చిత్రాలు పూర్తయ్యే వరకు మరో చిత్రానికి ఆమె డేట్స్ను అడ్జస్ట్ చేయలేని పరిస్థితిలో ఉంది. మరలా 'శభాష్నాయుడు' చిత్రం షూటింగ్ ఎప్పుడు మొదలవుతుందో తెలియని పరిస్దితుల్లో ఉన్నా.... 'కాటమరాయుడు' చిత్రం రెగ్యులర్ షూటింగ్ ఆల్రెడీ ప్రారంభమైంది. ఆమె బిజీగా ఉంటున్నప్పటికీ ఈ రెండు చిత్రాల కోసం పెద్ద త్యాగమే చేసిందని ఫిల్మ్నగర్ వర్గాలు గుసగుసలాడుతున్నాయి. మరి కొత్త చిత్రాలకు ఆమె ఎప్పటినుంచి డేట్స్ ఇస్తుందోనని... ఆమె తమ సినిమాలలో నటించాలని తాపత్రయ పడుతున్న దర్శక, నిర్మాతలు, హీరోలు ఎంతో ఆసక్తిగా ఎదురుచూస్తున్నారు.
