ఈసారి హాట్ హాట్ డిసెంబర్!
ఏడాది చివర్లో అంటే డిసెంబర్ను పొంగల్ బరికి రిహాల్సర్స్గా చెప్పవచ్చు. ప్రతి ఏడాది ఈ నెలలో విడుదలైన ఎన్నో చిత్రాలు విజయతీరాలకు చేరుకున్నాయి. కాగా ఈ ఏడాది డిసెంబర్లో కూడా పలు హీరోల చిత్రాలు విడుదలకు సిద్దం అవుతున్నాయి. రామ్చరణ్ 'ధృవ'తో పాటు వెంకటేష్ హీరోగా నటిస్తున్న 'గురు' చిత్రాన్ని కూడా డిసెంబర్లో విడుదల చేయాలని, రీమేక్ సినిమా కాబట్టి కేవలం రెండు నెలల్లో ఈ చిత్రం షూటింగ్ను పూర్తిచేసి డిసెంబర్లో విడుదలకు వెంకీ ప్లాన్ చేస్తున్నారు. ఇక నాని నటిస్తున్న 'నేను..లోకల్' చిత్రాన్ని కూడా క్రిస్మస్ కానుకగా విడుదల చేయడానికి సిద్దమవుతున్నారు. మరి ఈ మూడు చిత్రాలతో పాటు మరో రెండు, మూడు క్రేజీ సినిమాలు కూడా డిసెంబర్లో విడుదలకు సిద్దమవుతున్నాయి. మొత్తానికి ఈ ఏడాది కూల్కూల్ డిసెంబర్ కాస్తా హాట్ హాట్ డిసెంబర్గా అయ్యేందుకు రెడీ అవుతోంది. మొత్తానికి డిసెంబర్ నెల కూడా పలు చిత్రాలు, ఆతర్వాత పొంగల్ చిత్రాలతో సినిమా సందడి బాగానే మొదలవుతుందని చెప్పాలి.
