పిల్లి ప్రేమ కోసం శ్రుతి హాసన్ కన్నీటి పర్యంతం!
Shruti Haasan in Tears Over Her Beloved Cat
నటి శ్రుతి హాసన్ పెంపుడు జంతువు అయిన పెర్షియన్ పిల్లి అస్లాన్ వేరే వారికి రీహోమ్ (ఇంటిని మార్చడం) చేయడంపై తొలిసారిగా స్పందించారు. అస్లాన్ కి తీవ్రమైన అలర్జీ సమస్య తలెత్తడంతోనే కఠినమైన నిర్ణయం తీసుకోవాల్సి వచ్చిందని తెలిపారు. పిల్లిని తన నుంచి దూరం చేయడం ఎంతో కలిచివేసిందని, ఆ క్షణాలు తన జీవితంలో అత్యంత బాధాకరమైనవని భావోద్వేగానికి గురయ్యారు.
జంతువులపై ఎంతో ప్రేమ ఉండే శ్రుతి హాసన్ వాటితో ఎంతో అనుబంధాన్ని పెంచుకోవడం తెలిసిందే. అయితే తీవ్రమైన ఆరోగ్య సమస్యల కారణంగా పెంపుడు పిల్లిని తన వద్ద ఉంచుకోలేని అసహాయ పరిస్థితి ఏర్పడిందని ఆమె వివరించారు. ఎంతో ఇష్టంగా పెంచుకున్న మూగజీవిని దూరం పెట్టడం తనను మానసికంగా చాలా కుంగదీసిందని, కేవలం అనారోగ్య సమస్యల ఒత్తిడి వల్లే ఈ నిర్ణయం తీసుకున్నట్లు తెలిపారు.
ఈ అంశంపై సోషల్ మీడియాలో రకరకాల చర్చలు జరుగుతున్న నేపథ్యంలో శ్రుతి హాసన్ చేసిన ప్రకటన స్పష్టతనిచ్చింది. జంతు ప్రేమికులు కొందరు దీనిపై భిన్నంగా స్పందించినప్పటికీ ఆరోగ్యపరమైన ఇబ్బందులను ఎదుర్కొనే వారు ఇలాంటి క్లిష్టమైన నిర్ణయాలు తీసుకోవడం ఎంతటి వేదనకు గురి చేస్తుంది శ్రుతి అనుభవంతో అర్థమవుతోంది.
