ఉగ్రవాది అరెస్ట్-ఊపిరి పీల్చుకున్న స్టార్ నటుడు!
Rajkummar Rao got candid about his personal memories of the 26/11బాలీవుడ్ నటుడు రాజ్కుమార్ రావు నటించిన `ప్రహార్: ది అన్టోల్డ్ స్టోరీ ఆఫ్ ఉజ్వల్ నికమ్` సినిమా ట్రైలర్ విడుదల వేడుక ముంబైలోని ఛత్రపతి శివాజీ మహారాజ్ టెర్మినస్ రైల్వే స్టేషన్లో జరిగింది. 2008 నాటి 26/11 ముంబై ఉగ్రదాడి జరిగిన ప్రధాన ప్రాంతాల్లో ఈ స్టేషన్ ఒకటి కావడంతో ఈ కార్యక్రమంలో రాజ్కుమార్ రావు ఆనాటి భయాందోళనకరమైన జ్ఞాపకాలను గుర్తు చేసుకున్నారు. ఫిల్మ్ స్కూల్ పూర్తి చేసుకుని నటుడిగా అవకాశాల కోసం పూణే నుంచి ముంబైకి వచ్చిన కొద్ది నెలలకే ఈ దాడులు జరిగాయని తెలిపారు.
ఉగ్రదాడి వార్తలు తెలియగానే తన రూమ్మేట్స్తో కలిసి వరుసగా మూడు రోజుల పాటు టీవీ స్క్రీన్లకే పరిమితమై తీవ్ర భయాందోళనలతో గడిపానన్నారు. నగరంలోకి మరింత మంది ఉగ్రవాదులు ప్రవేశించారనే పుకార్లు వ్యాపించడంతో ఆ మూడు రోజులు ఎంతో భయానకంగా గడిచాయని పేర్కొన్నారు. ఆ క్లిష్ట సమయంలో ప్రాణాలకు తెగించి పోరాడుతున్న ముంబై పోలీసుల రక్షణ కోసం ప్రార్థించానని, ఉగ్రవాది అజ్మల్ కసబ్ను ప్రాణాలతో పట్టుకున్నారనే వార్త తెలిశాక తీవ్ర ఉపశమనం లభించిందని వెల్లడించారు.
అవినాష్ అరుణ్ దర్శకత్వంలో తెరకెక్కుతున్న `ప్రహార్` చిత్రం సీనియర్ పబ్లిక్ ప్రాసిక్యూటర్ ఉజ్వల్ నికమ్ జీవితాధారంగా రూపొందుతున్న బయోపిక్ డ్రామా. ఇందులో ఉజ్వల్ నికమ్ పాత్రను రాజ్కుమార్ రావు పోషిస్తుండగా, కసబ్ పాత్రలో మరాఠీ నటుడు లలిత్ ప్రభాకర్, ఇతర ముఖ్య పాత్రల్లో వామికా గబ్బి, సికందర్ ఖేర్ నటిస్తున్నారు. 26/11 కేసులో కసబ్పై సాగించిన చారిత్రాత్మక న్యాయపోరాటం ప్రధానాంశంగా వస్తున్న ఈ చిత్రం 2026 అక్టోబర్ 16న విడుదల కానుంది.
