వారణాసి: మహేష్ కి షాకింగ్ రెమ్యునరేషన్

సూపర్ స్టార్ మహేష్ బాబు మొట్టమొదటిసారి దర్శకధీరుడు, పాన్ ఇండియా డైరెక్టర్ రాజమౌళి తో చేస్తున్న మూవీ వారణాసి. రీసెంట్ గానే వారణాసి టైటిల్ గ్లింప్స్ ని #GlobeTrotter ఈవెంట్ లో రివీల్ చేసారు. 2027 సమ్మర్ లో సినిమా రిలీజ్ అనే అప్ డేట్ కూడా అదే ఈవెంట్ లోనే రివీల్ అయ్యింది.

ఈ సినిమాలో 30 నిమిషాల మహేష్ యాక్షన్ సీక్వెన్స్ కి గూస్ బంప్స్ తెప్పిస్తాయంటూ రైటర్ విజయేంద్ర ప్రసాద్ గారు చేసిన కామెంట్స్ మహేష్ అభిమానులను ఎగ్జైట్ చేసాయి. ఇక ఈ చిత్రంలో మహేష్ సాహసాలు, యాక్షన్ ఏ రేంజ్ లో ఉంటాయో అనేది ఆల్మోస్ట్ వారణాసి టైటిల్ టీజర్ లోనే రాజమౌళి చూపించేసారు.

అయితే భారీ బడ్జెట్ తో తెరకెక్కుతున్న ఈ చిత్రానికి సూపర్ స్టార్ మహేష్ బాబు కి నిర్మాతలు ఏకంగా 200 కోట్ల పారితోషికం ఇస్తున్నారనే వార్త సెన్సేషన్ క్రియేట్ చేస్తుంది. మరోపక్క ఆయన ఏడాదికి 75 కోట్ల పారితోషికం చొప్పున అందుకుంటున్నారని మాట్లాడుతున్నారు. ఏది ఎలాగున్నా మహేష్ ఈ చిత్రానికి 150 కోట్ల పైమాటే  పారితోషికం కింద అందుకుంటున్నారనే మాట మహేష్ అభిమానులను ఉక్కిరి బిక్కిరి చేస్తుంది.