నిఖిల్ సినిమా షూటింగ్ లో భారీ ప్రమాదం

హీరో నిఖిల్ నటిస్తున్న ది ఇండియన్ హౌస్ సినిమా షూటింగ్ లో భారీ ప్రమాదం జరిగినట్లుగా తెలుస్తుంది. ది ఇండియన్ హౌస్ సినిమా షూటింగ్ సెట్ లో ఈ ఘటన చోటు చేసుకుంది. 

ది ఇండియన్ హౌస్ షూటింగ్ లో భాగంగ సముద్రం సీన్స్ తీసేందుకు ఏర్పాటు చేసిన భారీ వాటర్ ట్యాంక్ పగిలిపోవడంతో లొకేషన్ మొత్తం వరద పారింది. ఆ ప్రమాదంలో అసిస్టెంట్ కెమెరా మెన్ కు తీవ్ర గాయాలు అయినట్లుగా తెలుస్తుంది. అంతేకాకుండా సెట్ లో మరికొంత మంది గాయాల పాలైనట్లుగా సమాచారం.

ఈ ఘటన శంషాబాద్ సమీపంలో వేసిన సెట్ లో జరిగినట్లుగా తెలుస్తుంది. ఆ వాటర్ ట్యాంక్ పగిలిపోవడంతో సెట్ మొత్తం పాడైపోయి తీవ్ర నష్టం వాటిల్లినట్టుగా సమాచారం అందుతుంది.. ఈ ఘటనకు సంబంధించి పూర్తి వివరాలు తెలియాల్సి ఉంది.