బ్రహ్మాజీ ప్రధాన పాత్రలో నటించిన బాపు సినిమా థియేటర్లలో విడుదలైన కొన్ని వారాలకే ఓటీటీలోకి రానుంది. ఈ చిత్రానికి సంబంధించిన స్ట్రీమింగ్ తేదీ, వేదిక వివరాలు తాజాగా వెల్లడయ్యాయి.
బ్రహ్మాజీ కొంత విరామం తర్వాత కథానాయకుడిగా నటించిన చిత్రం బాపు. ఈ సినిమాకు ఏ ఫాదర్స్ సూసైడ్ స్టోరీ అనే ఉపశీర్షికను పెట్టారు. అంటే ఓ తండ్రి జీవితంలోని కొన్ని సంఘటనలను ఆవిష్కరించే కథ ఇది. థియేటర్లలో విడుదలై రెండు వారాలు కూడా పూర్తికాక ముందే ఈ సినిమా ఓటీటీలోకి రానుందని నిర్మాతలు ప్రకటించారు.
బాపు సినిమా డిజిటల్ హక్కులను ప్రముఖ ఓటీటీ వేదిక జియో హాట్‌స్టార్ కొనుగోలు చేసింది. మార్చి 7న ఈ చిత్రాన్ని స్ట్రీమింగ్ చేయనున్నట్లు అధికారికంగా వెల్లడించారు. దీంతో థియేటర్లలో రిలీజ్ అయిన 14 రోజులకే సినిమా ఓటీటీలో అందుబాటులోకి రానుంది.
ఈ సినిమాకు విమర్శకుల నుంచి మంచి ప్రశంసలు లభించాయి. కానీ కమర్షియల్‌గా పెద్ద విజయాన్ని మాత్రం అందుకోలేకపోయింది. బ్రహ్మాజీ ఈ సినిమాపై తన అభిప్రాయం తెలియజేస్తూ, కథ నచ్చి రూపాయి కూడా తీసుకోకుండా నటించానని వెల్లడించారు. ఇలాంటి కథలను ప్రేక్షకులు థియేటర్లలో ఆదరించడం చాలా అవసరమని అన్నారు. ఈ చిత్రంలో సీనియర్ నటి ఆమని, బలగం ఫేమ్ సుధాకర్ రెడ్డి, అవసరాల శ్రీనివాస్, ధన్య బాలకృష్ణ కీలక పాత్రల్లో నటించారు.
దయా దర్శకత్వం వహించిన ఈ చిత్రాన్ని రాజు, సిహెచ్ భాను ప్రసాద్ రెడ్డి నిర్మించారు. మరి థియేటర్లలో భారీ వసూళ్లు రాబట్టలేకపోయినప్పటికీ, ఓటీటీలో ఈ సినిమా మంచి స్పందన రాబట్టుకుంటుందని మేకర్స్ ఆశాభావం వ్యక్తం చేస్తున్నారు.
అదే నా కోరిక: రాజమౌళి
Loading..