విజయ్‌ సేతుపతి ప్రధాన పాత్రలో, వెట్రిమారన్‌ దర్శకత్వంలో రూపొందిన విడుదల 2 ఇప్పుడు ఓటీటీలోకి రానుంది. 2023లో విడుదలైన విడుదలకు కొనసాగింపుగా వచ్చిన ఈ చిత్రం, బాక్సాఫీస్‌ వద్ద ఆశించిన విజయాన్ని సాధించలేకపోయింది. అయితే ఇప్పుడు అమెజాన్‌ ప్రైమ్‌ వీడియోలో జనవరి 19 నుంచి స్ట్రీమింగ్‌ కానుంది. మొదటి భాగం ప్రేక్షకుల నుంచి మంచి స్పందన అందుకున్న నేపథ్యంలో ఈ రెండో భాగం కూడా ప్రేక్షకుల్ని ఆకట్టుకుంటుందనే ఆశలు ఉన్నాయి. ఈ సినిమా తెలుగు, తమిళ భాషల్లో అందుబాటులో ఉంటుంది.
విడుదల 2 కథని విడుదల 1 ముగిసిన చోట నుంచి కొనసాగించారు. నక్సల్‌ నాయకుడు పెరుమాళ్‌ అలియాస్‌ మాస్టర్‌ (విజయ్‌ సేతుపతి)ను, కానిస్టేబుల్‌ కుమరేశన్‌ (సూరి) ఇచ్చిన సమాచారంతో పోలీసులు అరెస్టు చేయడం మొదటి భాగం ముగింపు. రెండో భాగంలో పెరుమాళ్‌ ఒక సాధారణ ఉపాధ్యాయుడిగా ప్రారంభమై, జమిందారీ వ్యవస్థ దురాగతాలపై ప్రజల కోసం ఉద్యమ నాయకుడిగా మారిన కథను ఆసక్తికరంగా చూపించారు. మహాలక్ష్మి (మంజు వారియర్‌)తో ప్రేమ ఇతనికి జీవితంలో కొత్త మలుపులు తీసుకొచ్చింది. అహింస విధానాన్ని నమ్మిన పెరుమాళ్‌ ఉద్యమాన్ని హింసాత్మక మార్గంలో నడిపించాల్సి వచ్చిన పరిస్థితులు కథకు ప్రాధాన్యం ఇచ్చాయి.
మొత్తం మీద, విజయ్‌ సేతుపతి, సూరి నటన ఈ చిత్రానికి ప్రధాన బలం. బాక్సాఫీస్‌ ఫలితం తేడా కొట్టినప్పటికీ, ఓటీటీలో ఈ సినిమా కొత్త ఆశలు రేపుతుంది. తొలి భాగం లాగా విడుదల 2 కూడా అమెజాన్‌ ప్రైమ్‌లో మంచి స్పందన అందుకుంటుందా అనేది చూడాలి. 19వ తేదీ నుంచి ప్రేక్షకులు ఈ సినిమాను ఓటీటీలో వీక్షించవచ్చు.
హుషారుగా డాన్స్ చేసిన విశాల్ 
Loading..