కాజల్ ఎక్కడ ?

వచ్చే శుక్రవారమే ఇండియన్ 2 పాన్ ఇండియా ప్రేక్షకుల ముందుకు రాబోతుంది. శంకర్-కమల్ హాసన్ కాంబోలో సిద్దార్థ్, కాజల్, రకుల్ ప్రధాన పాత్రల్లో భారతీయుడు చిత్రానికి సీక్వెల్ గా తెరకెక్కిన ఇండియన్ 2 చిత్రం పై భారీ అంచనాలున్నాయి. జులై 12 న విడుదల కాబోతున్న ఈ చిత్ర ప్రమోషన్స్ యూనిట్ ఫుల్ స్వింగ్ లో నడిపిస్తుంది. ఇండియా నుంచి మలేషియా ఇలా పలు దేశాల్లో ఈ చిత్రాన్ని ప్రమోట్ చేస్తున్నారు. 

ఇక్కడ ముంబై నుంచి చెన్నై, హైదరాబాద్ వరకు ఇండియన్ 2 ప్రమోషన్స్ లో శంకర్, కమల్, సిద్దార్థ్ కనిపిస్తున్నారు. హైదరాబాద్ ప్రమోషన్స్ లో హీరోయిన్ రకుల్ ప్రీత్ జాయిన్ అవడమే కాదు ఆమె అన్ని చోట్ల స్పెషల్ అట్రాక్షన్ గా నిలుస్తుంది. అయితే హీరో-దర్శకుడు, రకుల్, మిగతా వారు కనిపిస్తున్నా మరో హీరోయిన్ కాజల్ ఇండియన్ 2 ప్రమోషన్స్ లో కానరావడం లేదు. 

ఇండియన్ 2 ఆడియో లాంచ్ వేడుక చెన్నై లో జరిగినప్పుడు కాజల్ కూడా వచ్చింది. ఆతర్వాత ఏ ప్రమోషన్స్ లోను కాజల్ కనిపించలేదు. నిన్న హైదరాబాద్ లో జరిగిన ఇండియన్ 2 ప్రీ రిలీజ్ ఈవెంట్, ఈరోజు జరిగిన మీడియా మీట్ ఎందులోనూ కాజల్ లేదు. కేవలం రకుల్ ప్రీత్ ఒక్కటే సందడి చేస్తుంది. మరి కాజల్ ఏమైనట్టు. 

ఆమె ఏమైనా భారతీయుడు 2 లోని తన పాత్ర పై అలిగిందా, లేదంటే ఇతర కారణాలేమైనా ఉన్నాయా అనేది ఆమె అభిమానులకి అంతుబట్టడం లేదు. మరి సినిమాలో కాజల్ పాత్ర పై క్లారిటీ రావాలంటే మరో నాలుగు రోజులు వెయిట్ చెయ్యాల్సిందే!