తారక్ బర్త్ డే: NTR30 నుండి సర్ ప్రైజ్ అదే

యంగ్ టైగర్ ఎన్టీఆర్ పుట్టిన రోజు కోసం ఆయన ఫాన్స్ రోజులు, గంటలు లెక్కబెడుతున్నారు. ఎప్పుడెప్పుడు తారక్ బర్త్ డే కి కేక్ కట్ చేస్తామా.. ఆయన కటౌట్స్ కడదామా.. #NTR30 నుండి రాబోయే అప్ డేట్స్ ని సోషల్ మీడియాలో ట్రెండ్ చేద్దామా అని కాచుకుని కూర్చున్నారు. మరి గత ఏడాది ఊహించని అప్ డేట్స్ అందుకున్న ఫాన్స్.. ఆ తర్వాత మళ్ళీ #NTR30 అప్ డేట్ కోసం చాలానే వెయిట్ చేసారు. సినిమా షూటింగ్ మొదలయ్యింది మొదలు మేకర్స్ ఎన్టీఆర్ ఫాన్స్ కి సర్ ప్రైజ్ ల మీద సర్ ప్రైజ్ లు ఇస్తూ షాకులిస్తున్నారు.

ఇక తారక్ బర్త్ డే మే 20. అదే రోజున #NTR30 నుండి టైటిల్ అలాగే యంగ్ టైగర్ ఫస్ట్ లుక్ ని కొరటాల రెడీ చేస్తున్నట్లుగా సమాచారం. తారక్ #NTR30 లో ఎంత మాస్ గా కనిపిస్తారో అంటూ అప్పుడే ఆయన ఫాన్స్ ఊహించేసుకుంటున్నారు. అయితే తారక్ పవర్ ఫుల్ లుక్ ని కొరటాల డిజైన్ చేస్తున్నారట. ఇప్పటికే #NTR30 షూటింగ్ ఫుల్ స్వింగ్ లో నడుస్తుంది. సైఫ్ అలీ ఖాన్ విలన్ గా నటిస్తున్న ఈ చిత్రాన్ని వచ్చే ఏడాది ఏప్రిల్ 5 న రిలీజ్ పాన్ ఇండియా రేంజ్ లో చెయ్యబోతున్నారు.

ఇక తారక్ బర్త్ డే నుండే #NTR30 ప్రమోషన్స్ ని వాంటెడ్ గా స్టార్ట్ చేసి ప్యాన్ ఇండియా ప్రేక్షకుల్లో ఆసక్తిరేగేలా మేకర్స్ ప్లాన్ చేసుకుంటున్నారు. ఇక ఈ చిత్రంలో ఎన్టీఆర్ తో జాన్వీ కపూర్ రొమాన్స్ చేస్తుంది. ప్రకాష్ రాజ్, శ్రీకాంత్ కీలక పాత్రల్లో కనిపిస్తున్నారు.