అఖిల్ ఏజెంట్ ప్రీమియర్స్ టాక్

అక్కినేని అఖిల్ మాస్ హిట్ కొట్టి హీరోగా ప్రూవ్ చేసుకోవడానికి స్పై థ్రిల్లర్ ఏజెంట్ గా ఈ రోజు శుక్రవారం ఆడియన్స్ ముందుకు వచ్చేసాడు. సురేందర్ రెడ్డి దర్శకత్వంలో అఖిల్ చేసిన ఈ స్పై థ్రిల్లర్ ఎలా ఉందో అప్పుడే ఓవర్సీస్ ఆడియన్స్ తమ అభిప్రాయాలతో సోషల్ మీడియాలో సందడి మొదలు పెట్టేసారు. అఖిల్ ఎలా చేసాడు, సినిమా కథ ఎలా ఉంది, సురేందర్ రెడ్డి దర్శకత్వ ప్రతిభపై ట్వీట్స్ చేస్తూ హడావిడి చేస్తుంటే.. ఇక్కడ అఖిల్, అక్కినేని ఫాన్స్ హైదరాబాద్ లోని శ్రీరాములు థియేటర్ లో ఏజెంట్ స్పెషల్ ప్రీమియర్ వీక్షిస్తూ గోల గోల చేస్తున్నారు.

మరి ఏజెంట్ ఓవర్సీస్ టాక్ ఎలా ఉందొ ఓసారి చూసేద్దాం.. ఏజెంట్ ఫస్ట్ ఆఫ్‌లో కొన్ని సీన్లు మినహా మిగతాదంతా రెగ్యులర్‌గానే రొటీన్ గా ఉందంటున్నారు. అఖిల్ ఒన్ మ్యాన్ షో చేశాడని, యాక్షన్ ఎపిసోడ్స్ అన్ని కిక్ ఇస్తున్నాయంటున్నారు. ఇంటర్వెల్ బ్లాక్ మాత్రం చాలా బాగుందని కొంతమంది కామెంట్ చేస్తున్నారు. అఖిల్ కూడా తన రోల్ బాగా చేశాడట. మరికొంతమంది మాత్రం అసలు ఏజెంట్ లో విషయం లేదని తేల్చేస్తున్నారు. ఏజెంట్ మూవీ అనేది దాదాపు అన్ని డిపార్ట్మెంట్స్ లోను సరైన విధంగా న్యాయం చేయలేక డిస్పాయింట్ చేసిన యాక్షన్ సినిమా. 

బలహీనమైన స్క్రిప్టు, ఆకట్టుకోలేని దర్శకత్వం, ఆఖరికి మ్యూజిక్ కూడా ఈ చిత్రం ప్రేక్షకులకు పెద్ద పరీక్ష అనే కామెంట్స్ ఎక్కువగా వినబడుతున్నాయి. పాటలు, బ్యాగ్రౌండ్ స్కోర్ దారుణం, కథ రొటీన్‌గా ఉందని, పూర్తి అర్థం లేని కథనం, చెత్త స్క్రీన్‌ప్లేతో నిరాశ పరిచేలా ఉంది, సురేందర్ రెడ్డి చాలా తడబడినట్లు అనిపించింది అంటూ మరోకొంతమంది కామెంట్స్ చేస్తున్నారు. 

ఫైనల్ గా అఖిల్ స్క్రీన్ ప్రెజన్స్ మాత్రం ఈ సినిమాలో చాలా బాగుంది, యాక్షన్ సీక్వెన్స్‌లో అఖిల్ పడిన కష్టం కనిపిస్తుందని చెబుతున్నారు. చివరిగా ఈ ఓవర్సీస్ టాక్, అలాగే ప్రీమియర్స్ టాక్ చూస్తుంటే ఈ సినిమాకు మిక్స్‌డ్ టాక్ వచ్చింది అని అర్ధమైపోతుంది.