బాలీవుడ్ బ్యూటీ ఊర్వశి రౌతేలా ఇప్పుడు మెగాస్టా చిరు వాల్తేర్ వీరయ్యలో మెగాస్టార్ తో కలిసి స్పెషల్ సాంగ్ లో కాలు కదుపుతుంది. అంతేకాకుండా రామ్-బోయపాటి పాన్ ఇండియా మూవీలోనూ ఊర్వశి ఐటెం సాంగ్ చేస్తున్నట్లుగా ప్రకటించారు. ఇప్పుడు ఊర్వశి రౌతేలా సంతోషం సినీ అవార్డ్స్ స్టేజ్ పై కూడా స్పెషల్ డాన్స్ తో ఆకట్టుకోవడానికి రెడీ అయ్యింది. సంతోషం సౌత్ ఇండియన్ ఫిలిం అవార్డ్స్ 2022కి రంగం సిద్ధమవుతోంది.
బాలీవుడ్ సెన్సేషన్ టాలీవుడ్ అవార్డుల ఫంక్షన్లో డాన్స్ చేయబోతోంది అంటూ ముందుగానే ప్రకటించిన సంతోషం టీం సరిగ్గా డిసెంబర్ 4వ తేదీ సాయంత్రం 6 గంటల 9 నిమిషాలకి ఆమె ఎవరు అనే విషయాన్ని రివీల్ చేసింది, ఆమె ఇంకెవరో కాదు, బాలీవుడ్ సెన్సేషన్ ఊర్వశి రౌతేలా. ఊర్వశితో ఈసారి సంతోషం ఫిలిం అవార్డ్స్ లో పర్ఫామెన్స్ చేయించబోతున్నారు.
టాలీవుడ్ ఎంట్రీ ఇవ్వకముందే సంతోషం ఫిలిం అవార్డ్స్ ఫంక్షన్ ద్వారా తెలుగు ప్రేక్షకులను అలరించబోతోంది ఊర్వశి. ఇక సంతోషం సౌత్ ఇండియన్ ఫిలిం అవార్డ్స్ 2022 కార్యక్రమం ఈనెల 26వ తేదీన ఘనంగా జరగనుంది.
రానాకి కాలింది-ఇండిగోకి మూడింది
Loading..