మ.మ. మహేశా.. మతిపోగోట్టేశావ్ తెలుసా?

మ.మ. మహేశా.., ము.ము. ముస్తాబై ఇట్టా వచ్చేశా.. అని అనుకుంటున్నారు.. మహేశ్ బాబు తాజా పిక్ చూసిన యువతులంతా. మహేశ్ అందానికి మురిసిపోను వారండరు. మగాళ్లు సైతం అసూయ పడే అందం మహేశ్‌ది. అలాంటి మహేశ్ ఫస్ట్ టైమ్ షర్ట్ లెస్‌గా కనిపించేసరికి.. చాలా మంది హృదయాలు పట్టుతప్పాయి. దీంతో ముద్దుల ఎమోజీలతో సోషల్ మీడియాని షేకెత్తిస్తున్నారు. మహేశ్ బాబు ఫ్యాన్ ఫాలోయింగ్ గురించి తెలియంది కాదు. ఆయన షర్ట్‌లెస్‌లో కనిపించి.. వీరోచితంగా ఓ భారీ యాక్షన్ సీక్వెన్స్ చేయాలని వారు ఎప్పటి నుండో కోరుకుంటున్నారు. అమ్మాయిలు కూడా తమ అభిమాననటుడు సిక్స్ ప్యాక్ బాడీతో తమ హృదయాలను చిత్తు చిత్తు చేయాలని భావిస్తుంటారు. కానీ మహేశ్ మాత్రం.. అందుకు దూరం అన్నట్లుగా ఇప్పటి వరకు వ్యవహరిస్తూ వచ్చారు. కానీ ఇప్పుడు ట్రెండ్ మారింది. ట్రెండ్‌కి అనుగుణంగా తను కూడా మారుతున్నానని ఇలా.. క్లారిటీ ఇచ్చేస్తున్నాడీ రాజకుమారుడు.

తాజాగా స్విమ్మింగ్‌పూల్‌లో షర్ట్ లేకుండా ఉన్న మహేశ్ ఫొటోలను ఆయన భార్య నమ్రతా శిరోద్కర్ సోషల్ మీడియాలో షేర్ చేశారు. ‘కొన్నిసార్లు శనివారం ఉదయాలు ఇలా ఉంటాయి’ అని చెబుతూ.. మహేశ్ స్విమ్ చేస్తున్న ఫొటోలను ఆమె సోషల్ మీడియాకి వదిలింది. ఈ పిక్స్‌లో మహేశ్ షర్ట్ లేకుండా.. కండలు తిరిగిన శరీరం, గడ్డంతో ట్రెండీగా కనిపిస్తున్నారు. దీంతో ‘మ.మ. మహేశా.. మతిపోగోట్టేశావ్ తెలుసా’ అంటూ.. ఈ పిక్స్‌ని వైరల్ చేయడం ఫ్యాన్స్ వంతైంది. ప్రస్తుతం ఈ ఫొటోలు సోషల్ మీడియాను షేక్ చేయడమే కాకుండా.. తదుపరి చిత్రంలో ఆయన మేకోవర్ గురించి కూడా మాట్లాడుకునేలా చేస్తున్నాయి.