KGF చాప్టర్ 2 ఓటిటి డేట్ ఫిక్స్

కేజిఎఫ్ చాప్టర్ 1 బ్లాక్ బస్టర్ హిట్ కొట్టింది. దానితో దానికి సీక్వెల్ గా తెరకెక్కిన కేజిఎఫ్ చాప్టర్ 2 పై అంచనాలు ఆకాశాన్ని తాకాయి. ప్రశాంత్ నీల్ - యాష్ ఆ అంచనాలను అందుకోవడం లో సక్సెస్ అయ్యారు. కేజిఎఫ్ చాప్టర్ 2 బ్లాక్ బస్టర్ హిట్ దిశగా పయనం మొదలు పెట్టింది. మొదటి షో కే హిట్ టాక్ తెచ్చుకోవడంతో కేజిఎఫ్2 పై ఇప్పుడు ఆడియన్స్ లో ఆత్రుత మొదలయ్యింది. ఇక ఏ సినిమా అయినా విడుదల రోజునే ఆ సినిమాల ఓటిటి డీటెయిల్స్ ని స్ప్రెడ్ చేస్తున్నారు. హిట్ అయితే కొద్దిగా గ్యాప్ వస్తుంది. అదే ప్లాప్ అయితే అనుకున్న డేట్ కన్నా ముందే డిజిటల్ ప్లాట్ ఫామ్ ల పైకి వచ్చేస్తున్నాయి.

ఇక ట్రిపుల్ ఆర్ ఇప్పటివరకు ఓటిటి డేట్ లాక్ చెయ్యలేదు. కానీ కేజిఎఫ్ చాప్టర్ ఓటిటి డేట్ లాక్ చేసినట్లుగా వార్తలొస్తున్నాయి. సినిమా హిట్ అవడంతో ఫ్యామిలీ ఆడియన్స్ కూడా కెజిఎఫ్ 2 ని ఓటిటిలో ఎప్పుడొస్తే అప్పుడు చూసెయ్యాలనే ఇంట్రెస్ట్ తో ఉన్నారు. అయితే మీడియా సర్కిల్స్ లో వినిపిస్తున్న సమాచారం ప్రకారం KGF 2 సినిమా మే 13 నుంచి ప్ర‌ముఖ డిజిట‌ల్ మాధ్య‌మం అమెజాన్ ప్రైమ్‌లో ప్రసారం కానుంది అని తెలుస్తుంది. మరి థియేటర్స్ లో బ్లాక్ బస్టర్ టాక్ తెచుకున్న కేజిఎఫ్ చాప్టర్ 2 అనుకున్నట్లుగా అనుకున్న డేట్ కి ఓటిటి ప్లాట్ ఫామ్ లోకి వస్తుందో.. లేదంటే డిలే అవుతుందో ఇప్పుడే చెప్పడం కష్టం అంటున్నారు.