పూజ హెగ్డే ని రివీల్ చేసేసారు

ఇప్పుడు టాప్ హీరోయిన్స్ అయిన స్టార్స్ హీరోల సినిమాల్లో స్పెషల్ సాంగ్ అవకాశాలు వస్తే అస్సలు వదులుకోవడం లేదు. కాజల్, శృతి హాసన్, తమన్నా నిన్నగాక మొన్న ఉ అంటావా మావ ఉ ఊ అంటావా మావా సాంగ్ తో సమంత యూత్ ని ఓ ఊపు ఊపేసింది. గతంలో పూజ హెగ్డే కూడా రామ్ చరణ్ రంగస్థలం లో జిగేలు రాణి స్పెషల్ సాంగ్ చేసి అందరి చూపు తనపై పడేలా చేసుకుంది. ఇప్పుడు మరోసారి ఈ బుట్టబొమ్మ స్పెషల్ సాంగ్ కి సై అంది. ప్రస్తుతం టాప్ హీరోయిన్ గా టాలీవుడ్ లో స్టార్ హీరోల సరసన ఛాన్స్ లు పట్టేస్తున్న పూజ హెగ్డే కి అనిల్ రావిపూడి ఎఫ్ 3 లో ఐటెం సాంగ్ చేసేందుకు ఒప్పించారు. 

ఈ సాంగ్ కోసమే పూజ హెగ్డే కోట్లు డిమాండ్ చేసింది అనే ప్రచారం జరిగింది. నిన్నమొన్నటివరకు పూజ హెగ్డే ఎఫ్ 3 లో స్పెషల్ సాంగ్ విషయం గాసిప్ గానే ఉన్నా నేడు ఎఫ్ 3 టీం అధికారికంగా రివీల్ చేసింది. పూజ హెగ్డే బ్యాక్ లుక్ వదులుతూ ఎఫ్ 3 లో ఐటెం సాంగ్ చేయబోయేది ఈ హీరోయిన్ అంటూ హింట్ ఇవ్వడంతో ఆమె పూజ హెగ్డే నే ఇంకెవరో కాదు అంటూ అందరూ ఫిక్స్ అవుతున్నారు. మరి పూజ హెగ్డే రంగస్థలం తర్వాత మరోసారి టాలీవుడ్ ని ఊపెయ్యబోతుందన్నమాట. ఇక ఎఫ్ 3 లో తమన్నా, మెహ్రీన్ హీరోయిన్స్ కాగా,. సోనాల్ చౌహన్ మరో కేరెక్టర్ లో మెరవనుంది.  

.