సెలబ్రిటీస్ ఈడీ విచారణకి హాజరవ్వాల్సిన డేట్స్

2017 లో ఉన్నట్టుండి.. టాలీవుడ్ లో డ్రగ్స్ కలకలం. పలువురు సెలబ్రిటీస్ మీద డ్రగ్స్ కేసు పెట్టడం, వాళ్ళ విచారణ, బ్లడ్ శాంపిల్స్ సేకరించడం.. అబ్బో ఆ హడావిడి చూస్తే.. చాలామంది సెలబ్రిటీస్ జైలు కి వెళ్ళబోతున్నారనే ప్రచారం కూడా జరిగింది. అయితే ఈ కేసులో ఎవరికీ శిక్ష పడకపోగా.. టీఎస్ గవర్నమెంట్ సెలబ్రిటీస్ ని రక్షించే ప్రయత్నం చేసింది అనే టాక్ ఉండగానే కొంతమంది పై ఈ డ్రగ్స్ కేసు ఎత్తివేశారు కూడా. తెలంగాణ పోలీస్ లు డ్రగ్స్ కేసులో పలువురు సెలబ్రిటీస్ కి క్లీన్ చిట్ ఇచ్చిన తర్వాత మరోసారి ఇప్పుడు ఈడీ సెలబ్రిటీస్ కి ఈ డ్రగ్స్ కేసులో నోటీసు లు ఇవ్వడం మరోసారి టాలీవుడ్ లో కలకలం రేపింది. 

అయితే అది డ్రగ్స్ కేసు కాదని మనీలాండరింగ్ కేసు అంటున్నారు. మరి డ్రగ్స్ కేసులో ప్రమేయం లేనప్పుడు ఈ మనీలాండరింగ్ కేసు ఎలా పెట్టారో తెలియదు కానీ.. ఇప్పుడు నోటీసులు అందుకున్న రకుల్ ప్రీత్, రానా, పూరి, ఛార్మి, రవితేజ ఇంకా మిగతా సెలబ్రిటీస్ ఈడీ ముందు హాజరవడానికి డేట్స్ ని కేటాయించింది. ఒక్కో సెలెబ్రిటీకి ఒక్కో డేట్ ఇచ్చింది. ప్రస్తుతం ఆ డేట్స్ వివరాలు ఇలా ఉన్నాయి. ఆగస్టు 31 నుంచి సెప్టెంబరు 22 వరకు సినీ స్టార్స్ విచారణకు హాజరు కావాలని ఈడీ నోటీసులు..

పూరి జగన్నాధ్: ఆగస్టు 31, ఛార్మి: సెప్టెంబర్ 2, రకుల్ ప్రీత్ సింగ్: సెప్టెంబర్ 6, రాణా దగ్గుబాటి: సెప్టెంబర్ 8, రవితేజ: సెప్టెంబర్ 9, శ్రీనివాస్: సెప్టెంబర్ 9, నవదీప్: సెప్టెంబర్ 13, ఎఫ్ క్లబ్ జీఎం: సెప్టెంబర్ 13, ముమైత్ ఖాన్: సెప్టెంబర్ 15, తనీష్:  సెప్టెంబర్ 17, నందు: సెప్టెంబర్ 20, తరుణ్: సెప్టెంబర్ 22న హాజరు కావాలని ఈడీ నోటీసులు జారీ.