సలార్ లీకులు షురూ

కెజిఎఫ్ డైరెక్టర్ ప్రశాంత్ నీల్ దర్శకత్వంలో పాన్ ఇండియా స్టార్ ప్రభాస్ నటిస్తున్న సలార్ పై భారీ అంచనాలే ఉన్నాయి. ప్రస్తుతం రాధేశ్యామ్ షూటింగ్ కంప్లీట్ చేసి సలార్ సెకండ్ షెడ్యూల్ లో పాల్గొంటున్న ప్రభాస్ గురించి, సలార్ యూనిట్ గురించి హీరోయిన్ శృతి హాసన్ చెప్పిన విషయాలను మరవకముందే ఇప్పుదు సలార్ సెట్ నుండి ఓ వీడియో బయటికి లీకవడం ప్రభాస్ ఫాన్స్ లో ఉత్సాహం, సలార్ యూనిట్ లో ఆందోళన నెలకొంది. ఇప్పటికే సలార్ లో ప్రభాస్ లుక్ లీకై సెన్సేషన్ క్రియేట్ చేసింది. ఇక షూటింగ్ మొదలు పెట్టకముందే సలార్ ఫస్ట్ లుక్ లో ప్రభాస్ ని మాస్ గా పరిచయం చేసిన ప్రశాంత్ నీల్ ప్రభాస్ ని ఊరమాస్ గా చూపించబోతున్నాడు.

ఇప్పుడు కూడా సలార్ సెకండ్ షెడ్యూల్ నుండి కొన్ని ఫోటోలు వీడియోలు సైతం లీక్ అయినట్లు సోషల్ మీడియాలో చక్కర్లు కొడుతున్నాయి. అయితే ఆ ఫొటోస్, ఆ వీడియో సినిమా షూటింగ్ ది కాకపోయినా.. ప్రభాస్ క్యాజువల్ లుక్ లో సలార్ షూటింగ్ కి హాజరవుతున్న వీడియో అయినప్పటికీ.. ఇలాంటివి బయటికి రాకూండా జాగ్రత్త పడాల్సిన టీం.. ఇలా లీకులు బయటికి వస్తే సినిమా పై క్రేజ్ తగ్గుతుంది అని ఫాన్స్ భయపడుతున్నారు. అయితే అది ఇప్పుడు జరుగుతున్న షూటింగ్ స్పాట్ నుండి బయటికి లీకయిన వీడియోస్ అండ్ ఫొటోస్ ఇప్పటివా కాదా అనేది తెలియదు. కానీ ప్రస్తుతం ఆ సలార్ లీకెడ్ వీడియోస్ మాత్రం సోషల్ మీడియాలో చక్కర్లు కొడుతున్నాయి.