షూటింగ్ లో విశాల్ కి తీవ్ర గాయాలు
కోలీవుడ్ స్టార్ హీరో విశాల్ నాట్ ఏ కామన్ మ్యాన్ షూట్ లో పాల్గొంటున్నారు. సెకండ్ వేవ్ ఉధృతి తగ్గగానే.. విశాల్ నాట్ ఏ కామన్ మ్యాన్ షూటింగ్ కోసం హైదరాబాద్ కి వచ్చారు. రామోజీ ఫిలిం సిటీలో నాట్ ఏ కామన్ మ్యాన్ యాక్షన్ సీక్వెన్స్ లో పాల్గొన్న విశాల్ ఆ సీన్స్ లో కాస్త గాయపడినా.. మళ్ళీ వెంటనే కోలుకుని ఆయన నాట్ ఏ కామన్ మ్యాన్ లో షూటింగ్ లో పాల్గొన్నారు. అక్కడ విశాల్ ఆ యాక్షన్ సీక్వెన్స్ లో సీసా తాకడం వల్ల కొద్దిమేర గాయపడినా వెంటనే కోలుకున్నారు.
అయితే తాజాగా నాట్ ఏ కామన్ మ్యాన్ సెట్స్ లో విశాల్ మరోమారు తీవ్రగాయాలపాలైనట్లుగా తెలుస్తుంది. శరవణనన్ దర్శకుడు గా తెరకెక్కుతున్న విశాల్కు ఇది 31వ సినిమా. ఈ సినిమాకు సంబంధించి క్లైమాక్స్ చిత్రీకరిస్తున్నారు. ఆ షూట్ విశాల్తో పాటు పలువురు నటీనటులపై యాక్షన్ సన్నివేశాలను చిత్రీకరిస్తున్నారు. అయితే విశాల్ ఫైట్ సీన్ చేస్తుండగా బలంగా గోడను ఢీకొని కింద పడిపోయారు. దానితో యూనిట్ షాక్ కి గురైంది. ఈ ప్రమాదంలో విశాల్ వెన్ను భాగానికి దెబ్బతగిలింది. దీంతో వైద్యులు ఆయనకి చికిత్స అందించారు. అయితే విశాల్ వెన్నుపూసకు దెబ్బ బలంగా తాకింది అని యూనిట్ చెబుతుంది. ప్రస్తుతం విశాల్ ఫైటింగ్ సీన్కు సంబంధించిన వీడియో నెటింట్లో వైరల్ అవుతోంది.
Kollywood Actor Vishal gets injured while shooting for Not A Common man
Vishal gets injured while shooting for Vishal 31
